Gujarat Monsoon End: ગુજરાતમાંથી ચોમાસાની વિદાય, જાણી લો વિદાય વચ્ચે ક્યાં ક્યાં પડશે વરસાદ

વિભુ પટેલ, અમદાવાદ: ગુજરાતમાં ચોમાસાની સિઝનનો સરેરાશ વરસાદ 118.86 ટકા થયો છે. કચ્છમાં સરેરાશ વરસાદ 186.01 ટકા વરસાદ નોંધાયો છે. ઉત્તર ગુજરાતમાં સરેરાશ વરસાદ 121.06 ટકા વરસાદ નોંધાયો છે. તેમજ પૂર્વ મધ્ય ગુજરાતમાં સરેરાશ વરસાદ 93.57 ટકા વરસાદ થયો છે. સૌરાષ્ટ્રમાં સરેરાશ વરસાદ 109.44 ટકા વરસાદ નોંધાયો છે. તેમજ દક્ષિણ ગુજરાતમાં સરેરાશ વરસાદ 132.17 ટકા વરસાદ થયો છે.

ગુજરાતમાં ચોમાસાની સિઝનનો સારો વરસાદ થયો છે અને હવે ચોમાસુ વિદાય લઇ રહ્યું છે. જો કે રાજ્યમાંથી મોટા ભાગના વિસ્તારમાંથી ચોમાસએ વિદાય લઈ લીધી છે. પરંતુ ચોમાસાની વિદાય વચ્ચે પણ સામાન્ય વરસાદ એકાદ વિસ્તારમાં પડવાનું હવામાન વિભાગનું અનુમાન છે. 4 ઓક્ટોબરના રાજકોટ, જામનગર, દ્વારકા, કચ્છમાં સામાન્ય વરસાદની આગાહી કરવામાં આવી છે. 6 થી 8 ઓક્ટોબરના ડાંગ, તાપી, વલસાડ, છોડા ઉદેપુરમાં સામાન્ય વરસાદની સંભાવના છે. તો અન્ય જિલ્લામાં વાતાવરણ સૂકું રહેશે.

હવામાન વિભાગના ડાયરેક્ટર મનોરમાં મોહનથી એ જણાવ્યું છે કે ગુજરાતમાં આગામી પાંચ દિવસ વાતાવરણ સૂકું રહેશે પરંતુ અમુક વિસ્તારમાં સામાન્ય વરસાદ થવાની સંભાવના છે. ગુજરાતમાંથી મોટાભાગના વિસ્તારોમાંથી ચોમાસાએ વિદાય લઈ લીધી છે. આવતીકાલથી સૌરાષ્ટ્રમાં પણ વાતાવરણ સૂકું થઈ જશે.

રાજ્યમાં ઉત્તર પશ્ચિમના પવન ફૂંકાય રહ્યા છે. અને હવે સૂકા પવન પણ ફૂંકાવવાની શરૂઆત થઈ છે. જો કે લઘુતમ તાપમાન નીચું અને મહત્તમ તાપમાન ઊંચું નોંધાવવાના કારણે બેવડી ઋતુનો અહેસાસ થશે. વહેલી સવારે ઠંડા પવનો અને બપોર થતા ઉનાળાની ગરમીનો અહેસાસ થશે. અમદાવાદમાં મહત્તમ તાપમાન 36 ડીગ્રી આસપાસ રહેશે. અને લઘુતમ તાપમાન 23 ડીગ્રી રહેવાની શક્યતા છે.

ચોમાસાની વિદાય વચ્ચે અમુક વિસ્તારમાં સામાન્ય વરસાદની સંભાવના છે. જોકે નવેમ્બરના અંત સુધી તો ગુજરાતમાં ડબલ ઋતુનો અહેસાસ થતો હોય છે. ગુજરાતમાં ડિસેમ્બર અને જાન્યુઆરીમાં ગુજરાતમાં ઠંડી ખૂબ પડે છે પરંતુ વિદાય વચ્ચે ડબલ ઋતુનો એહસાસ થશે.