t20 world cup 2021: ક્રિકેટ રસિયાઓમાં જોરદાર ક્રેઝ, અમદાવાદના મલ્ટિપ્લેક્સો હાઉસ ફૂલ

દીપિકા ખુમાણ, અમદાવાદઃ અમદાવાદમાં (Ahmedabad) આજે રવિવાર પહેલી વાર મલ્ટિપ્લેક્સમાં (Multiplex) મૂવી નહીં પરંતુ ઇન્ડિયા-પાકિસ્તાનની (India pakistan match) મેચથી હાઉસ (Multiplex housfull) ફૂલ થયું છે. અમદાવાદના તમામ PVRની સ્ક્રિન લગભગ બૂક થઈ ગયું છે જેમાં ખાસ 399 થી 649 સુધીમાં ટિકિટ (ticket) વેચાઈ ગઈ છે. જેની પાછળનું કારણ છે ભારત અને પાકિસ્તાનની રસાકસી વાળી મેચ. દેશભરમાં નાગરિકોના ઉત્સાહ વચ્ચે આજે અમદાવાદમાં અનેક જગ્યા એ મેચ નું આયોજન કરવામાં આવ્યું છે. ક્રિકેટ રસિયાઓ એક દિવસ પહેલા જ મેચનું બુકિંગ કરી લીધું છે. જેને લઇને કહી શકાય કે લોકો ને આજે મૂવી કરતા ક્રિકેટ મેચ જોવામાં વધારે પસંદ છે. 

અમદાવાદમાં મોટેરા થલતેજ અને PVRના ૩ થિયેટરમાં પણ મેચ બતાવવામાં આવશે. થલતેજના એક્રોપોલિસ, રાણીપના આર્વેદ ટ્રાન્સ કયુબ પ્લાઝા અને મોટેરા PVRમાં ઇન્ડિયા-પાકિસ્તાનની મેચ બતાવવામાં આવશે. સાંજે 7 વાગે મેચ શરૂ થશે. તે સમયે થિયેટરમાં મુવીની જેમ મેચ શરૂ થશે.

દર્શકોને આખી મેચ થિયેટરમાં બતાવવામાં આવશે. જેમાં ક્લાસિક ટિકિટના 399, પ્રાઈમ ટિકિટના 399 અને રિક્લ્યાનરના 649 રૂપિયા સુધીના ટિકિટના ભાવ રાખવામાં આવ્યા છે. ખાસ થલતેજમાં 4 સ્ક્રીન, રાણીપમાં 2 સ્ક્રીન અને મોટેરામાં 2 સ્ક્રીન પર મેચ બતાવવામાં આવશે.

પરંતુ થલતેજ PVRમાં અત્યારથી ચારેય સ્ક્રીન હાઉસ ફુલ થઈ છે જ્યારે રાણીપ અને મોટેરામાં 1-1 સ્ક્રીન હાઉસ ફુલ થઈ ચૂકી છે અને બીજી 1-1 સ્ક્રીનમાં 50 ટકા જેટલું બુકિંગ થઈ ચૂક્યું છે.

આ અંગે બુકિંગ કરાવવા આવનાર રાજ ટાંકના કહેવા પ્રમાણે ઓનલાઈન તેને બુકિંગ ખાલી દેખાયું એટલે મોટેરા સ્ટેડિયમ પર મેચ જોવા આવ્યો છે 1 ટિકિટ ના 450 ખર્ચો કરીને તે ખાસ મેચ જોવા માટે આવ્યો છે જેથી ફ્રેન્ડ જોડે સ્ટેડિયમ માં મેચ જોવા આવ્યા હોવાનો અનુભવ થાય.