Gujarat Corona Update: ગુજરાતમાં કોરોના કેસમાં વધારો, એક દર્દીનું મોત, જાણો ક્યાં કેટલા કેસ નોંધાયા

Gujarat Corona Update: દેશમાં કોરોનાના કેસ (Corona Cases In India) ની સંખ્યામાં થી સતત વધારો નોંધાય રહ્યો છે ત્યારે આજે પોઝિટિવ આંકડામાં મોટો વધારો નોંધાયો છે. ગુજરાતમાં પણ છેલ્લા 24 કલાકમાં કોરોનાવાયરસના નવા કેસમાં મોટો વધારો થયો છે. તમને જણાવી દઈએ કે, ત્રણ મહિના પછી ગુજરાતમાં સતત કોરોના કેસ વધી રહ્યા છે. રાજ્યમાં 15 જૂનની સાંજે કોરોના વાયરસના નવા કેસની (Gujarat Covid Cases on 15-06-2022) સ્થિતિ વધારે વણસી રહી હોય તેમ લાગી રહ્યું છે. રાજ્યમાં કોરોના કેસનો એક્ટિવ આંકડો 100ની પાસે પહોંચી ગયો છે. રાજ્યમાં આજે 15 જૂનની સાંજે કોરોના વાયરસના નવા 184 કેસ નોંધાયા છે. જોકે રાજ્યમાં આજે અમદાવાદ શહેરમાં સૌથી વધુ 94 કેસ નોંધાયા છે. ત્યાં જ આજે અમદાવાદ શહેરમાં કોરોનાએ એક દર્દીનો ભોગ લીધો છે.

રાજ્યમાં આજે 15 જૂનની સંધ્યાએ કોરોનાના 184 નવા કેસ નોંધાયા છે. જેમા સૌથી વધુ અમદાવાદમાં 94 કેસ, સુરતમાં 20 કેસ, વડોદરામાં 18 કેસ, રાજકોટમાં કોરોનાના 13 કેસ, કચ્છ-વલસાડમાં 04-04 કેસ, આણંદ, ગીરસોમનાથ, મોરબી , નવસારી, ખેડામાં 02-02 કેસ, મહેસાણા, પંચમહાલ, ભાવનગર કોર્પોરેશનમાં 01-01 કેસ નોંધાયા છે.

રાજ્યમાં આજે 15 જૂનની સાંજે કુલ 112 દર્દીઓ સાજા થતા તેમને રજા આપવામાં આવી છે. જેમાંથી અમદાવાદ શહેરમાં સૌથી વધુ 50 દર્દીઓ સાજા થયા છે. ત્યાં જ વડોદરા કોર્પોરેશનમાં 25, સુરત કોર્પોરેશનમાં 08, ગાંધીનગર કોર્પોરેશન 05, મહેસાણા 02, વલસાડ 05, આણંદ 01, રાજકોટ કોર્પોરેશન 07, જામનગર કોર્પોરેશન-ખેડા 02-02 દર્દીઓ સાજા થયા છે.

રાજ્યમાં આજે સાંજ સુધીમાં કુલ 43,217 વ્યક્તિઓનું રસીકરણ થયું છે. રાજ્યમાં રસીકરણનો કુલ આંકડો વધી રહ્યો છે. રાજ્યમાં અત્યારસુધીમાં 11,06,33,665 ડોઝ આપવામાં આવ્યા છે.

રાજ્યમાં આજે એક્ટિવ કેસનો આંકડો 991 ની ઉપર પહોંચી ગયો છે, રાજ્યમાં આજની તારીખમાં 01 દર્દી વેંટીલેટર પર છે, ત્યાં જ 991 એક્ટિવ કેસ છે. રાજ્યમાં કુલ 990 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,14,775 છે. આ ઉપરાંત રાજ્યમાં મૃત્યુની સંખ્યા 10,946 છે.