Rathyatra: રથયાત્રાની સુરક્ષા વ્યવસ્થાને લઇ પોલીસ કમિશનર સાથે ગૃહમંત્રીની મહત્વપૂર્ણ બેઠક

Rathyatra: રાજ્યભરમાં યોજાનાર ભગવાન જગન્નાથજીની રથયાત્રાની સુરક્ષા વ્યવસ્થા બાબત તમામ પોલીસ અધિક્ષકો અને પોલીસ કમિશનર સાથે ગૃહમંત્રીની અધ્યક્ષતામાં મહત્વપૂર્ણ બેઠક યોજાઇ હતી. આ બેઠકમાં પોલીસના ઉચ્ચ અધિકારીઓ, એ.ટી.એસ., આઇ.બી. સહિત તમામ એજન્સીના અધિકારીઓ રહ્યા હાજર રહ્યા હતા.

અમદાવાદ સહિત રાજ્યભરમાં આગામી અષાઢી બીજના દિવસે ભગવાન જગન્નાથજીની રથયાત્રા ભક્તિ ભાવ સાથે નીકળશે. આ પ્રસંગે ગુજરાતના અનેક શહેરોમાં રથયાત્રા નીકળવાની હોય, તમામ વ્યવસ્થાઓ અને સુરક્ષા સંબંધી આયોજનની સમીક્ષા માટે રાજ્યના ગૃહમંત્રી હર્ષ સંઘવીના અધ્યક્ષ સ્થાને મહત્વપૂર્ણ બેઠક યોજાઇ હતી.

ધાર્મિક આસ્થા અને કોમી એકતાના ઉદાહરણ સ્વરૂપ આ રથયાત્રામાં કોઈ અનિચ્છનિય ઘટના બનવા ન પામે અને મોટી સંખ્યામાં ભાવિકો નિશ્ચિંત થઈ, ભગવાનને વિહાર કરતા નિહાળી શકે તે માટે ગૃરાજ્યમંત્રી સતત સંકલન કરી રહ્યા છે. રાજ્યભરની વ્યવસ્થા અને સુરક્ષા બાબત મુખ્યમંત્રી  ભુપેન્દ્રભાઈ પટેલ દ્વારા યોજાનાર બેઠક અગાઉ ગૃહમંત્રીએ સમીક્ષા કરી સમગ્ર આયોજનની જાણકારી મેળવી હતી.

મુખ્યમંત્રી ભુપેન્દ્ર પટેલ પણ સમગ્ર વ્યવસ્થા અંગે સમીક્ષા કરવાના છે. મુખ્ય મંત્રી નિવસ્થાનથી વીડિયો કોંફરન્સના માધ્યમ દ્વારા અમદાવાદ, સુરત, વડોદરા, અને રાજકોટ પોલીસ કમિશ્નર ઉપરાંત તમામ જિલ્લાના પોલીસ વડા સહિત રાજ્ય પોલીસ વડા આશિષ ભાટિયા સહિતના ઉચ્ચ પોલીસ અધિકારીઓ હાજર રહેવાના છે.

આ ઉપરાંત ગૃહ મંત્રી હર્ષ સંઘવી અને ગૃહ વિભાગના અધિકારીઓ પણ હાજરી આપવાના છે. જેમાં ધાર્મિક આસ્થા અને કોમી એકતાના ઉદાહરણ સ્વરૂપ આ રથયાત્રામાં કોઈ અનિચ્છનિય ઘટના બનવા ન પામે અને મોટી સંખ્યામાં ભાવિકો નિશ્ચિંત થઈ, ભગવાનને વિહાર કરતા નિહાળી શકે તે માટે સમીક્ષા કરવામાં આવશે.

રાજ્યભરની વ્યવસ્થા અને સુરક્ષા બાબત મુખ્યમંત્રી સમીક્ષા કરવાના છે. જેમાં રાજ્યના આઈબી ચીફ અને સેન્ટર આઈબી તરફ થી તૈયાર કરવામાં આવેલ રિપોર્ટ અંગે ચર્ચા કરી સુરક્ષા વ્યવસ્થા વધુ સંઘન કરવા માટે સૂચના આપવામાં આવશે. અને એક્શન પ્લાન તૈયાર કરવામાં આવશે.