ગુજરાતમાં નવેમ્બરનાં ત્રણ દિવસ કેવું રહેશે હવામાન, જાણો સ્વેટરની જરૂર પડશે કે નહીં?

અમદાવાદ : ગુજરાતમાં ધીરે ધીરે ઠંડીની મોસમ શરૂ થઇ રહી છે ત્યારે હવામાન પવનની દિશા બદલાતા તાપમાનમાં વટ-ઘટ થતું રહે છે. હવામાન વિભાગની આગાહી પ્રમાણે, ઠંડીનું જોર ડિસેમ્બર મહિનામાં વધશે ત્યાં સુધી તાપમાનમાં વટઘટ અનુભવાશે. રવિવારે એટલે આજે સવારે અમદાવાદમાં ઠંડક વધી ગઇ હતી. જોકે, હવામાન વિભાગે આગાહી કરતા જણાવ્યુ હતુ કે, આજે પવનની દિશા બદલાવવાની છે જેના કારણે તાપમાનમાં વધારો થશે. આ સાથે 5થી 10 કિમીની ગતિએ સૂસવાટાભેર પવન ફૂંકાતા શિયાળો પણ અનુભવાશે.

હવામાન વિભાગની આગાહી પ્રમાણે રાજ્યમાં ઉત્તર પશ્ચિમના પવન ફૂંકાયા છે. હવામાન સુકૂં રહેશે. આગામી 24 કલાકમાં તાપમાન યથાવત રહેશે. નલિયાનું લઘુત્તમ તાપમાન શુક્રવારે બે ડિગ્રી તાપમાનમાં વધારો થશે. નોંધનીય છે કે, નલિયાનું લઘુત્તમ તાપમાન 10.1 ડિગ્રી નોંધાયું હતુ.

<br />રાજ્યમાં વહેલી સવારે ઠંડા અને સૂકા પવનો ફૂંકાય રહ્યા છે. વહેલી સવારે તો એવું લાગે છે જાણે કડકડતી ઠંડીની શરૂઆત થઈ ગઈ છે. પરંતુ બપોર થતા થતા તો ગરમી લાગી રહી છે. હાલ તો રાજ્યમાં ઉત્તર પૂર્વના પવન ફૂંકાય રહ્યા છે.જેના કારણે તાપમાન ઘટી રહ્યું છે અને ઠંડીનું જોર વધી રહ્યું છે.

હવામાન વિભાગનું અનુમાન છે કે ઉતરપૂર્વના પવનને કારણે વહેલી સવારે ઠંડી લાગી રહી છે. આગામી 24 કલાક તાપમાન યથાવત રહેશે અને 24 કલાક બાદ એટલે આજે પવનની દિશા બદલાય જશે જેના કારણે 2 થી 3 ડીગ્રી તાપમાન વધી જશે. પવનની ગતિ સામાન્ય રહેશે અને વાતાવરણ સૂકું રહેશે.

અમદાવાદમાં છેલ્લાં ત્રણ-ચાર દિવસથી ગરમીનો પારો 14 ડિગ્રીની આસપાસ રહેતો હતો. વાતાવરણના ઉપરના લેવલમાં ઠંડા પવનોનું જોર ઘટતાં શહેરના તાપમાનમાં 1 ડિગ્રીનો વધારો થયો હતો. શનિવારે અમદાવાદનું મહત્તમ તાપમાન 31.4 ડિગ્રી અને લઘુતમ તાપમાન 15.2 ડિગ્રી નોંધાયું હતું. જેથી રવિવારે ગરમી વધશે.

દિવસ દરમિયાન 5થી 10 કિલોમીટરની ગતિના પવનો ચાલુ રહેતાં તાપમાન વધવા લાગ્યુ હતુ. ત્રણ દિવસ દરમિયાન અમદાવાદમાં ઠંડીનો પારો 16થી 17 ડિગ્રીની આસપાસ રહેવાની શક્યતા છે. આ સાથે પવન પણ રહેશે.