હજુ ચાર દિવસ માવઠાની આગાહી, અમદાવાદ સહિત ક્યાં-ક્યારે પડશે વરસાદ?

અમદાવાદ: ગુજરાતમાં ભરઉનાળે માવઠું થઇ રહ્યું છે. માવઠાને લીધે ખેડૂતોને ભારે નુકસાન સહન કરવાનો વારો આવ્યો છે, જ્યારે બેવડી ઋતુને લીધે રોગચાળો પણ જોવા મળી રહ્યો છે. આવામાં આગામી પાંચ દિવસને લઇને હવામાન વિભાગની આગાહી સામે આવી છે. જેમાં આગામી ચાર દિવસ વરસાદ રહેવાની સંભાવના હવામાન વિભાગ દ્વારા વ્યક્ત કરવામાં આવી છે.

હવામાન વિભાગની આગાહી અનુસાર, આગામી ચાર દિવસ વરસાદ રહેશે. સૌરાષ્ટ્ર અને ઉત્તર ગુજરાતમાં વરસાદની આગાહી કરવામાં આવી છે. જ્યારે ઠંડર સ્ટ્રોર્મ એક્ટિવિટીમાં વધારો થશે. ઉપરાંત આજે હળવાથી મધ્યમ વરસાદની આગાહી કરવામાં આવી છે. સૌથી મહત્વનું છે કે, આગામી પાંચ દિવસ તાપમાનમાં વધારો નહીં થાય.

રાજસ્થાન ઉપર વેસ્ટર્ન સિસ્ટમ સક્રિય હોવાને કારણે વરસાદની આગાહી કરવામાં આવી છે. અમદાવાદમાં પણ સાંજના સમયે વરસાદ રહેશે. કચ્છ, રાજકોટ, ભાવનગર, અમરેલી, બોટાદ, સાબરકાંઠા, બનાસકાંઠા, અમરેલી જેવા વિસ્તારોમાં વરસાદની આગાહી કરવામાં આવી છે. દક્ષિણ ગુજરાત, ડાંગ, તાપી, સુરત, નર્મદા, ભરૂચમાં પણ વરસાદની આગાહી છે.

આજે કચ્છ, બનાસકાંઠા, સાબરકાંઠા, અરવલ્લી, મહિસાગર પોરબંદર અને જુનાગઢમાં 40 કિલોમીટરની ઝડપે પવન ફૂંકાશે અને ગાજવીજ સાથે સામાન્ય વરસાદ થશે.

21 માર્ચ બનાસકાંઠા, પાટણ, મહેસાણા, સાબરકાંઠા, રાજકોટ, જામનગર, અમરેલી, ભાવનગર, કચ્છમાં 40 કિલોમીટરની ઝડપે પવન ફૂંકાશે અને ગાજવીજ સાથે સામાન્ય વરસાદ થશે.

22 માર્ચે બનાસકાંઠા, સાબરકાંઠા, જામનગર,પરોબંદર, જુનાગઢ, અમરેલી, ભાવનગર, દ્વારકા, ગીરસોમનાથ, કચ્છમાં 40 કિલોમીટરની ઝડપે પવન ફૂંકાશે અને ગાજવીજ સાથે સામાન્ય વરસાદ થશે.

23 માર્ચે બનાસકાંઠા, પાટણ, મહેસાણા, સાબરકાંઠા, જામનગર,પોરબંદર, જૂનાગઢ, અમરેલી, ભાનવગર, દ્વારકા, ગીરસોમનાથ, કચ્છમાં 40 કિલોમીટરની ઝડપે પવન ફૂંકાશે અને ગાજવીજ સાથે સામાન્ય વરસાદ થશે.