Gujarat Weather update: અમદાવાદમાં ઠંડીનો પારો ગગડ્યો, જાણો આગામી સપ્તાહમાં ગુજરાતમાં કેવું રહેશે હવામાન

અમદાવાદ: દેશના ઉત્તરભાગમાં થયેલી હિમવર્ષાની અસર ગુજરાત પર પણ થઇ છે. રાજ્યમાં ઉત્તર પૂર્વના પવન ફૂંકાયતા તાપમાનમાં ઘટાડો નોંધાયો છે. ઠંડા અને સૂકા પવન ફૂંકાતા વહેલી સવારે ઠંડીનો અહેસાસ થાય છે. શનિવારે રાજ્યનાં અનેક વિસ્તારોમાં ઠંડીનો પારો ગગડ્યો હતો. તાપમાનની વાત કરીએ તો, ગાંધીનગરનું લઘુતમ તાપમાન 13.2 ડીગ્રી નોંધાયું હતુ. આ સાથે<br />અમદાવાદનું લઘુતમ તાપમાન 14.5 ડિગ્રી નોંધાયું હતુ.

શનિવારે અમદાવાદનું લઘુતમ તાપમાન 14.5 ડિગ્રી નોંધાયું હતુ. અમરેલી તાપમાન 14.4 ડીગ્રી, વડોદરાનું લઘુતમ તાપમાન 14.4 ડીગ્રી, ડીસાનું લઘુતમ તાપમાન 16 ડીગ્રી નોંધાયું હતુ. આ સાથે નલિયાનું લઘુત્તમ તાપમાન 16.4 ડીગ્રી, ભાવનગરનું લઘુતમ તાપમાન 16.6 ડિગ્રી, રાજકોટનું લઘુતમ તાપમાન 16.7 ડીગ્રી, ભુજનું લઘુત્તમ તાપમાન 19 ડિગ્રી નોંધાયું હતુ.

જ્યારે કંડલાનું લઘુતમ તાપમાન 18.8 ડીગ્રી, વેરાવળનું લઘુતમ તાપમાન 19.6 ડીગ્રી, સુરતનું લઘુતમ તાપમાન 20.6 ડિગ્રી, દ્વારકાનું લઘુતમ તાપમાન 22.3 ડિગ્રી નોંધાયુ હતુ.

જોકે, રાજ્યમાં બપોર થતાં જ તાપ પણ લાગે છે અને બેવડી ઋતુનો અહેસાસ થાય છે. જોકે, હવે તો ધીમે-ધીમે તાપમાન ઘટતું જશે. રાજ્યમાં છેલ્લા એક સપ્તાહમાં લઘુતમ તાપમાન 3થી 4 ડીગ્રી ઘટી ગયું છે. અમદાવાદ શહેરમાં એક સપ્તાહ પહેલા 17.6 ડીગ્રી તાપમાન હતું, જે ઘટીને અમદાવાદનું લઘુતમ તાપમાન 14.5 ડીગ્રી નોંધાયું હતુ. શનિવારની વહેલી સવારથી જ અમદાવાદ શહેરમાં ઠંડા પવનો ફૂંકાયા છે અને લોકોએ ઠંડીનો અહેસાસ કર્યો હતો.

રાજ્યમાં ઉત્તર પૂર્વના પવનનો ફૂંકાયા છે. જ્યારે આગામી પાંચ દિવસ વાતાવરણ સૂકું રહેવાનું હવામાન વિભાગનું અનુમાન છે. આગામી 4થી 5 દિવસ તાપમાન પણ યથાવત રહેશે.

હવામાન નિષ્ણાત પરેશ ગોસ્વામીએ જણાવ્યું હતું કે, 15થી 20 નવેમ્બર સુધીમાં તાપમાનમાં અચાનક ઘટાડો નોંધાશે અને ઠંડીની શરૂઆત થઈ જશે. જોકે, રાજ્યોમાં લઘુતમ તાપમાન ધીમે-ધીમે ઘટી રહ્યું છે. વહેલી સવારે ઠંડીનો અનુભવ થઈ રહ્યો છે.

સાથે જ ડિસેમ્બર મહિનાના પહેલા સપ્તાહથી જ કાતિલ ઠંડીની શરૂઆત થઈ જશે. ડિસેમ્બરથી 10 જાન્યુઆરી સુધી ઠંડીનું જોર યથાવત રહેશે.