ગુજરાતમાં માવઠું પાછળ ઠેલાયું, જાણો હવે ક્યારે પડશે કમોસમી વરસાદ

વિભુ પટેલ, અમદાવાદ: રાજ્યમાં ઉતર પશ્ચિમના પવન ફૂંકાઇ રહ્યા છે. જેના કારણે ગુજરાતમાં ગરમીનો અહેસાસ થવા લાગ્યો છે પરંતુ ઉનાળો અને ચોમાસું સાથે ચાલતો હોય તેવું લાગી રહ્યુ છે. માવઠું થયા બાદ ફરી તાપમાન વધશે. જે બાદ ફરી માવઠું થશે છે. ઉનાળાનો એક મહિનો તો માવઠાંમાં જ પસાર થયો છે. હવે એપ્રિલ શરૂ થયાને બે દિવસ થયા છે. ત્યારે આ મહિને પણ વારંવાર પલટો આવવાના એંધાણ છે. એપ્રિલ શરુ થયો છે હજુ તો ઉનાળાની ગરમીનો અહેસાસ થવાનો શરુ થાય ત્યાં માવઠાની આગાહી પણ કરવામાં આવી છે. રાજ્યમાં 5 અને 6 એપ્રિલના રોજ કમોસમી વરસાદ થવાની શક્યતા છે.

હવામાન વિભાગનું અનુમાન છે કે, એક વેસ્ટન ડિસ્ટર્બન્સ સક્રિય થશે. જેની અસર ગુજરાતના વાતાવરણ પર જોવા મળશે. જેના કારણે 5 અને 6 એપ્રિલના ઉતર ગુજરાત અને કચ્છના વિસ્તારમાં માવઠુ થવાની શક્યતા છે.

પહેલા 4 અને 5 એપ્રિલના રોજ માનછું થવાનુ હતુ હવે આ તારીખ પાછળ ગઇ છે. હવે રાજ્યમાં 5 અને 6 એપ્રિલના રોજ માવઠું થશે.

હવામાન વિભાગની આગાહી પ્રમાણે, 5 એપ્રિલના રોજ બનાસકાંઠા, સાબરકાંઠા, કચ્છમાં વીજળી સાથે સામાન્ય વરસાદની શક્યતા છે. તો અન્ય જિલ્લામાં વાતાવરણ સુકૂં રહેશે અને 6 એપ્રિલના રોજ બનાસકાંઠા, સાબરકાંઠા, કચ્છમાં થંડર સ્ટ્રોમ એક્ટિવિટી સાથે સામાન્ય વરસાદ થશે.

ઉતર પશ્ચિમના પવન ફૂંકાતા જ મહત્તમ તામપાનમાં 2 થી 4 ડિગ્રી વધી જશે. અને ચારથી પાંચ દિવસ મહત્તમ અને લઘુતમ તાપમાન યથાવત રહેશે. જોકે, મહત્તમ તાપમાન વધી રહ્યુ છે. જેના કારણે શહેરો તપવા લાગશે. ગરમી ગતી પકડે ત્યા ફરી માવઠુ આવી જાય છે. જેના કારણે મહત્તમ તાપમાન નીચુ નોંધાય રહ્યુ છે.

હાલ મહત્તમ તાપમાન  36 ડીગ્રીએ પહોચી ગયુ છે. તેમ છતાં એપ્રિલ મહિનામાં અત્યારે મહત્તમ તાપમાન રહેવુ જોઈએ. તેના કરતા પણ 2 થી 4 ડિગ્રી તાપમાન નીચુ છે. જોકે અમદાવાદનુ મહત્તમ તાપમાન 37 ડિગ્રી રહેવાનુ અનુમાન છે.