Gujarat Weather Forecast: ઠંડી અંગે હવામાન વિભાગની મોટી આગાહી: તાપમાનમાં થશે ફેરફાર!

અમદાવાદ: ઠંડી અંગે હવામાન વિભાગની મોટી આગાહી સામે આવી છે. સાડા છ કરોડ ગુજરાતીઓને ઠંડીમાંથી મોટી રાહત મળશે. રાજ્યમાં કડકડતી ઠંડીનો ચમકારો ઘટશે. તાપમાનમાં 3થી 4 ડિગ્રીનો વધારો થઈ શકે છે. હવામાન વિભાગ અનુસાર, પવનની ગતિ ધીમી પડતા ઠંડી ઘટશે. હવામાન વિભાગ પ્રમાણે, હાલ વધુ એક વેસ્ટર્ન ડિસ્ટર્બન્સને કારણે તાપમાનમાં વધારો નોંધાશે. નોંધનીય છે કે, આજે નલિયામાં 4.2 તાપમાન, અમદાવાદમાં 13 અને ગાંધીનગરમાં 11 ડિગ્રી તાપમાન નોંધાયું હતું.

બીજી બાજુ, હવામાન નિષ્ણાત અંબાલાલ પટેલે અનુમાન જાહેર કર્યું છે. આજે રાજ્યમાં ઠંડીનું જોર યથાવત રહેશે. આજે પણ 10 ડીગ્રી આસપાસ તાપમાન રહેશે. અને મધ્ય ગુજરાતના ભાગોમાં અને અમદાવાદના લઘુતમ તાપમાંન 11 ડીગ્રી રહેવાનું અનુમાન છે. ફેબ્રુઆરીની શરૂઆતમાં વાદળછાયું વાતાવરણ રહેશે. તેમજ દક્ષિણ ગુજરાતમાં લઘુતમ તાપમાન થોડું વધુ રહી શકે છે. ફેબ્રુઆરીના બીજા સપ્તાહથી ગરમી જોર પકડશે અને મહત્તમ તાપમાન 36 ડીગ્રી આસપાસ પહોંચી જશે.19 થી 20 ફેબ્રુઆરીએ મહત્તમ તાપમાન વધતું જશે. ફેબ્રુઆરીના અંત સુધીમાં મહત્તમ તાપમાન 38 ડીગ્રી થઈ થવાની શકયતા રહેશે.

હવામાન નિષ્ણાત અંબાલાલ પટેલનું અનુમાન છે કે, આ વર્ષે ઉનાળો આકરો રહેશે. અને માર્ચ મહિનામાં આકરી ગરમી રહેશે. 4 માર્ચથી ગરમી વધશે. માર્ચ મહિનામાં 40 ડીગ્રી તાપમાન પહોંચી જશે. 25 થી 26 માર્ચના દરિયા કિનારે ભારે પવન ફૂંકાશે.

13થી 14 માર્ચમાં હવામાનમાં પલટો આવશે. 18 માર્ચથી ગરમી વધશે. 26 માર્ચ આસપાસ વાદળો સર્જાશે. 25 થી 26 દરિયા કિનારે પવનનું જોર રહેશે. માર્ચ મહિનામાં ગરમી, વાદળ છાયું વાતાવરણ, દરિયા કિનારે પવન અને હવામાનમાં પલટા ઘણા આવશે.

આ વખતે માર્ચ મહિનામાં ગરમીમાં આકરો રહે.18 માર્ચથી 25 એપ્રિલ વચ્ચેનું હવામાન બગડે છે. વૃદ્ધ બાળકો માટે તંદુરસ્ત રહેવા માટે પગલાં લેવા જરૂરી રહેશે. 18 થી 25 એપ્રિલમાં બેવડીઋતુ નો અહેસાસ થશે. બેવડી ઋતુના કારણે કૃષિ પાક અને લોકોના સ્વાસ્થ્ય પર અસર પહોંચશે.