Gujarat Rain Forecast: ગરમી અને બફારાથી લોકો ત્રાહિમામ, આગામી 5 દિવસ આ વિસ્તારોમાં પડી શકે છે વરસાદ

રાજ્યમાં વરસાદી માહોલ વચ્ચે પણ ગરમી અને બફારાથી લોકો ત્રાહિમામ પોકારી ગયા છે જોકે ભેજનું પ્રમાણ વધારે હોવાના કારણે ગરમી અને બફારો થઈ રહ્યો છે પરંતુ ભાદરવા મહિનામાં ઉનાળાની કાળજાળ ગરમીનો અહેસાસ થઈ રહ્યો છે જોકે સપ્ટેમ્બર માસમાં તાપમાન સામાન્ય હોવું જોઈએ તેના કરતાં પાંચ ડિગ્રી વધુ તાપમાન છે અને ભાદરવામાં સામાન્ય રીતે આંકડો તાપ પણ પડતો હોય છે અમદાવાદ શહેરમાં સામાન્ય રીતે સપ્ટેમ્બર મહિનામાં 33 ડિગ્રી તાપમાન રહેતું હોય છે પરંતુ અમદાવાદ શહેરનું મહત્તમ તાપમાન 38 ડિગ્રી નોંધાયો છે

કાળઝાળ ગરમી અને બફારાથી  રાહત મેળવવા હવે લોકો વરસાદની રાહ જોઈ રહ્યા છે ત્યારે હવામાન વિભાગ દ્વારા પણ આગાહી કરવામાં આવી છે કે બંગાળની ખાડીમાં એક લો પ્રેશર સક્રિય છે જેની અસર ગુજરાત વાતાવરણ ઉપર જોવા મળશે ગુજરાતના અનેક વિસ્તારમાં સામાન્યથી મધ્યમ અને ભારે વરસાદની અનુમાન છે.

9 સપ્ટેમ્બર- નવસારી વલસાડ અને ડાંગમાં ભારે વરસાદની આગાહી છે તો અન્ય શહેરોમાં સામાન્યથી મધ્યમ વરસાદ થવાનું અનુમાન છે સાથે એક્ટિવિટી ના કારણે પણ કેટલાક વિસ્તારોમાં પવન સાથે વરસાદની શક્યતાઓ છે

10 સપ્ટેમ્બર- જુનાગઢ અમરેલી અને ગીર સોમનાથ તેમજ નવસારી વલસાડ અને ડાંગમાં ભારે વરસાદની આગાહી છે અને અન્ય જિલ્લાઓમાં સામાન્ય થી મધ્યમ વરસાદ રહેશે

11 સપ્ટેમ્બર- વરસાદનું જોર વધશે અને દક્ષિણ ગુજરાતમાં નવસારી અને વલસાડમાં અતિ ભારે વરસાદની શક્યતાઓ છે સાથે સુરત તાપી અને ડાંગમાં તેમજ સૌરાષ્ટ્રમાં પોરબંદર રાજકોટ જૂનાગઢ અને ગીર સોમનાથમાં ભારે વરસાદની આગાહી છે તો અન્ય વિસ્તારોમાં સામાન્યથી મધ્યમ વરસાદ રહેશે

12 અને 13 સપ્ટેમ્બર- દક્ષિણ ગુજરાતમાં નવસારી અને વલસાડમાં અતિ ભારે વરસાદની શક્યતાઓ છે સાથે સુરત તાપી અને ડાંગ અને નવસારી જુનાગઢ ગીર સોમનાથ અમરેલીમાં ભારે વરસાદની શક્યતા સુરત, તાપી, નર્મદા અતિભારે વરસાદની આગાહી, ભરૂચ વલસાડ નવસારી ડાંગ જુનાગઢ ગીર સોમનાથ અમરેલીમાં ભારે વરસાદની શક્યતા

હવામાન વિભાગના ડાયરેક્ટર મનોરમા મોહંતીએ જણાવ્યું છે કે આગામી પાંચ દિવસ ગુજરાતમાં વરસાદી માહોલ રહેશે અનેક વિસ્તારમાં ભારેથી ભારે વરસાદ થવાની શક્યતાઓ છે સાથે જ થન્ડર સ્ટોપ એક્ટિવિટીઝ પણ થશે તેમ જ 12 અને 13 માછીમારોને દરિયો ન ખેડવા પણ સૂચનાઓ આપવામાં આવી છે