Gujarat Rain Forecast: ગુજરાતમાં 24 કલાક આ જિલ્લાઓમાં અતિભારે વરસાદની આગાહી

અમદાવાદ: હવામાન વિભાગ (Meteorological department) તરફથી ગુજરાતમાં આગામી પાંચ દિવસ માટે વરસાદની આગાહી (Gujarat Rain forecast) આપવામાં આવી છે. હવામાન વિભાગના જણાવ્યા પ્રમાણે રાજ્યમાં આગામી પાંચ દિવસ સુધી વરસાદી માહોલ યથાવત રહેશે. હવામાન વિભાગના જણાવ્યા પ્રમાણે આગમી 24 કલાકમાં કચ્છ, બનાસકાંઠા, પાટણ, વલસાડમાં અત્યંત ભારે વરસાદની આગાહી (Heavy rain forecast) છે. જ્યારે આવતીકાલે કચ્છ, બનાસકાંઠા, પાટણ, જામનગર, રાજકોટ, પોરબંદર, સુરેન્દ્રનગરમાં ભારે વરસાદની આગાહી છે. આ દરમિયાન માછીમારોને દરિયા ન ખેડવાની સૂચના આપવામાં આવી છે.

16મી ઓગસ્ટ: આ દિવસે કચ્છ, બનાસકાંઠા અને વલસાડ જિલ્લામાં અતિભારે વરસાદની આગાહી છે. આ ઉપરાંત મોરબી, સુરેન્દ્રનગર, સુરત, તાપ, ડાંગ, નવસારીમાં ભારેથિ અતિભારે વરસાદની આગાહી છે. દેવભૂમિ દ્વારકા, જામનગર, જૂનગાઢ, અમરેલી, ભાવનગર, ગાંધીનગર, આણંદ, અમદાવાદમાં ભારે વરસાદ પડી શકે છે.

17મી ઓગસ્ટ: આ દિવસે કચ્છમાં ભારેથી અતિભારે વરસાદ પડી શકે છે. બનાસકાંઠા, પાટણ, મોરબી, સુરેન્દ્રનગર, જામનગર, દેવભૂમિ દ્વારકા, પોરબંદર, રાજકોટ, ભરૂચ અને સુરતમાં ભારે વરસાદ પડી શકે છે.

સરદાર સરોવર ડેમની જળ સપાટીમાં વધારો : સરદાર સરોવર ડેમની જળ સપાટીમાં સતત વધારે થઈ રહ્યો છે. ડેમની સપાટી હાલ 134.93 મીટરે પહોંચી છે. ડેમમાં પાણીની આવક 3,33,056 ક્યુસેક નોંધાઈ છે. ઉપરવાસમાં આવેલા ઓમકારેશ્વર ડેમમાંથી સતત પાણી છોડાતા ડેમની સપાટીમાં વધારો નોંધાયો છે. 16મી ઓગસ્ટના રોજ સવારે 11 કલાકે ડેમના 23 દરવાજા 2.25 મીટર સુધી ખોલીને 3,50,000 ક્યુસેક પાણી નદીમાં છોડવામાં આવશે. રિવરબેડ પાવરહાઉસમાં 6 ટર્બાઇનથી વીજળી ઉત્પન્ન કરીને 45,000 ક્યુસેક પાણી નર્મદા નદીમાં છોડાશે. આ રીતે નદીમાં પાણીની કુલ જાવક 3,95,000 ક્યુસેક રહેશે.

નદીમાં પાણી છોડવાને પગલે નીચાણવાળા વિસ્તારોને સાવધ રહેવાની સૂચના આપવામાં આવી છે. મંગળવારે સવારે આઠ કલાકે ઇન્દિરા સાગર ડેમના 12 ગેટ 3.50 મીટર ખોલી 4,08,800 ક્યુસેક પાણી છોડાતા 32 કલાક પછી નર્મદા બંધમાં પાણીની મોટી આવક થઈ શકે છે. મધ્ય પ્રદેશમાં ભોપાલ, નર્મદા પુરમ, જબલપુર, ગુના, શીવપુરી, સાગર જિલ્લામાં સતત વરસાદને પગલે નર્મદા ડેમમાં પાણીની આવક વધી શકે છે.

પાણીની આવક વધશે તો વધુ પાણી છોડાઈ શકે : સરદાર સરોવર ડેમમાં હાલ પાણીની આવક સામે વધારે પાણી નદીમાં છોડવામાં આવી રહ્યું છે. જો ડેમના કેચમેન્ટ વિસ્તારોમાં સતત વરસાદ રહેશે તો ડેમમાંથી પાણી છોડવાનું શરૂ રાખવામાં આવી શકે છે. જેના પગલે નદી કાંઠાના વિસ્તારોમાં ફરી એકવાર પૂર જેવી સ્થિત ઊભી થઈ શકે છે.

24 કલાકમાં 221 તાલુકામાં વરસાદ : રાજ્યમાં (Gujarat Monsoon) છેલ્લા થોડા દિવસોથી ફરીથી ધોધમાર વરસાદ (rainfall forecast) વરસી રહ્યો છે. હવામાન વિભાગે રાજ્ય માટે હજી બે દિવસ ભારે હોવાનું અનુમાન કર્યું છે. આજે આવેલા વરસાદના 24 કલાકના આંકડા પ્રમાણે રાજ્યમાં 221 તાલુકામાં વરસાદ વરસ્યો છે. રાજ્યમાં આગામી 48 કલાકમાં સાબરકાંઠા, બનાસકાંઠા, જામનગરમાં ભારેથી અતિભારે વરસાદની આગાહી કરવામાં આવી છે. જ્યારે અમદાવાદમાં ઝરમર વરસાદનું અનુમાન કરવામાં આવ્યું છે.