GUJARAT COLD WAVE: ગુજરાતમાં ઠંડીનો વર્ષો જૂનો રેકોર્ડ તૂટ્યો, અમદાવાદમાં 8 ડિગ્રી, અહીં તો 2.6 પહોંચી ગયો પારો

ગુજરાતમાં ઠંડી તમામ રેકોર્ડ તોડી રહી છે. એક પછી એક દિવસે આગળના દિવસના રેકોર્ડ તૂટી રહ્યા છે. ગુજરાતમાં નલિયામાં તો 2.6 ડિગ્રી સુધી પારો પહોંચી ગયો છે.

રાજ્યના તમામ જિલ્લાઓમાં જુઓ કેટલી છે ઠંડી. લઘુત્તમ તાપમાન અને મહત્તમ તાપમાન સહિતના તમામ આંકડાઓ.

રાજ્યમાં છેલ્લા 10 દિવસથી ઠંડી પડી રહી છે. ઠંડીના કારણે જનજીવન પ્રભાવિત થયું છે, જેથી લોકો ઠંડીમાંથી ક્યારે રાહત મળશે તેની રાહ જોઈ રહ્યા છે. પરંતુ હજુ આગામી 24 કલાક દરમિયાન ઠંડીનું જોર યથાવત રહેશે અને ત્યારબાદ ઠંડીમાંથી રાહત મળશે પરંતુ ખેડૂતો માટે માઠા સમાચાર છે.

ઉત્તર ગુજરાતની વાત કરીએ તો અમદાવાદમાં 8.6 ડિગ્રી લઘુત્તમ તાપમાન નોંધાયું હતું. ડીસામાં 9.6 ડિગ્રી તો ગાંધીનગરમાં 7.7 ડિગ્રી લઘુત્તમ તાપમાન નોંધાયું હતું. બીજી તરફ વલ્લભ વિદ્યાનગરમાં 10.1 ડિગ્રી લઘુત્તમ તાપમાન નોંધાયું હતું.

તો દક્ષિણ ગુજરાતની વાત કરીએ તો વડોદરામાં 12.8, સુરતમાં 13, વલસાડમાં 12 અને દમણમાં 15 ડિગ્રી લઘુત્તમ તાપમાન નોંધાયું હતું.

દેખીતી રીતે રાજ્યના સૌથી ઠંડા ગણાતા વિસ્તાર એવા નલિયામાં 2.6 ડિગ્રી જેટલા તળિયે તાપમાન પહોંચી ગયું હતું. ભુજમાં 8.2 ડિગ્રી, કંડલા એરપોર્ટ વિસ્તારમાં 7.7 ડિગ્રી લઘુત્તમ તાપમાન નોંધાયું હતું.

હવામાન વિભાગ દ્વારા આગાહી કરી છે કે, રાજ્યમાં ઉત્તર પૂર્વના પવન ફુકાઈ રહ્યા છે અને કડકડતી ઠંડી પડી રહી છે. આગામી 24 કલાક દરમિયાન ઠંડીનું જોર યથાવત રહેશે. કચ્છમાં કોલ્ડવેવની આગાહી કરી છે.

દિવસ દરમિયાન 5થી 10 કિલોમીટરની ગતિના પવનો ચાલુ રહેતાં તાપમાન વધવા લાગ્યુ હતુ. ત્રણ દિવસ દરમિયાન અમદાવાદમાં ઠંડીનો પારો 16થી 17 ડિગ્રીની આસપાસ રહેવાની શક્યતા છે. આ સાથે પવન પણ રહેશે.

રાજ્યમાં સૌથી ઠંડું શહેર નલિયાનું થયું છે, તાપમાન 2.6 ડિગ્રી નોંધાયું છે. ચાલુ વર્ષે નલિયામાં રેકોર્ડ બ્રેક ઠંડી પડી છે નલિયાનું લઘુત્તમ તાપમાન આજે પણ 2.6 ડિગ્રી નોંધાયુ છે જેથી છેલ્લા નવ વર્ષનો રેકોર્ડ પણ તૂટી ગયો છે.