Congress Janata Adalat: ભાજપ સરકાર વિરૂદ્ધ રજૂ કરાયું તૌહમતનામૂ, સરકાર બરતરફ કરવા કરી માંગ

પ્રણવ પટેલ, અમદાવાદઃ ગુજરાતના સ્થાપના દિવસની (Gujarat Foundation day) ઉજવણી સમગ્ર રાજ્યમા થઇ રહી છે. ત્યારે ગુજરાત કોંગ્રેસ (Gujarat Congress) દ્વારા ભાજપ સરકાર (Gujarat Government) સામે અનોખો વિરોધ કરવામાં આવ્યો હતો. જનતા અદાલત ભરી ભાજપ સરકારને બરતરફ કરવામાં માંગ કરી હતી.

કોંગ્રેસ દ્વારા આયોજીત જનતા અદાલતમાં વર્તમાન સરકારને બરતરફ કરવા માંગ કરાઇ હતી. કોંગ્રેસ પક્ષ દ્વારા ગુજરાત સ્થાપના દિવસે સરદાર બાદ ખાતે જનતા અદાલતનું આયોજન કરાયું હતુ. સરકાર પર કુલ 12 આરોપ મુકવામાં આવ્યા હતા. કોંગ્રેસના જ 15-15 લોકોએ સરકાર અને વિપક્ષના ભુમિકા ભજવી હતી. શિક્ષણ રોજગાર આરોગ્ય ખેતી સહિતના 12 મુદ્દાની ચર્ચા કરાઇ હતી. છેલ્લા 25 વર્ષના ભાજપાના શાસનમાં ગુજરાત અને ગુજરાતની પ્રજાના પ્રશ્નો અંગે મુસદ્દો તૈયાર કરાયો હતો.

જનતા અદાલતમાં મનીષા પરીખે જજની ભુમિકા ભજવી હતી. ભાવિક સોલંકીએ સરકાર પર શિક્ષણના વેપારીકરણનો આરોપ મૂક્યો હેમાંગ રાવલે શિક્ષણ મંત્રી બનીને થાળી વગાડી તિળ ઉડાવી જવાબ આપ્યો હતો. પેપર લીક અને બેરોજગારી મુદ્દે વિશ્વનાથ વાઘેલાએ આરોપ મૂક્યો હતો. કપિલ દેસાઈએ સરકાર વતી જવાબ આપ્યો હતો.

કોરોના અને કથળેલા આરોગ્ય તંત્ર અંગે કેતન પરમારે સરકાર પર આરોપ મૂક્યો ડોકટર જીતુ પટેલ અને હેમાંગ રાવલે સરકાર વતી જવાબ આપ્યો હતો. દર્દી તરીકે જોયજ ડાયર્સ દ્વારા પણ આવી વિરોધ નોધાવ્યો હતો. મોંઘવારી મુદ્દે હેતા પરીખે સરકાર પર આરોપ મૂક્યો હતો. ડોલી દવે એ સરકાર વતી જવાબ આપ્યો હતો.મહિલા સુરક્ષા , બળાત્કાર અને કાયદો વવસ્થા મુદ્દે મંદાકિની પટેલે આરોપ મૂક્યો ગીતા પટેલે તેનો જવાબ આપ્યો હતો. ભ્રષ્ટાચાર મુદ્દે ધર્મેન્દ્ર પટેલ અને જિગીષા પટેલે આરોપ મૂક્યો ઉમાકાન્ત માંકડે જવાબ આપ્યો હતો.

સરકારી તંત્રના એક તંત્ર ના એક તરફી વલણ મુદ્દે કલ્પેશ પટેલે આરોપ મૂક્યો સરકાર વતી નિકુંજ બલરે જવાબ આપ્યો હતો. સામાજિક ન્યાય મુદ્દે મંગળ સુરજકરે સરકાર પર આરોપ મૂક્યા ત્રિભોવન પરમારે સરકાર વતી જવાબ આપ્યો હતો.

આર્થિક અસમાનતા પર હિરેન બેંકરે સરકાર પર આરોપ મૂક્યો સરકાર વતી હિમાંશુ પટેલે જવાબ આપ્યો હતો. માલધારી મુદ્દે વિરામ દેસાઈએ આરોપ મૂક્યા, નાગજી ભાઈ દેસાઇ જવાબ આપ્યો હતો. ટેક્ષ ભારણ મુદ્દે રશ્મિકાંત સુથારે આરોપ મૂક્યો સૌરભ મિસ્ત્રીએ જવાબ આપ્યો હતો.