રાજ્યમાં corona 'નર્વસ નાઇન્ટીમાં',આજે 15 જિલ્લામાં 0 કેસ, 315 દર્દી સાજા થયા

અમદાવાદ : રાજ્યમાં (Gujarat)છેલ્લા 24 કલાકમાં કોરોના વાયરસના (Coronavirus)નવા 96 કેસ નોંધાયા છે. જેની સામે 315 દર્દીઓ સાજા થયા છે. કોરોનાથી સાજા થનાર દર્દીઓની સંખ્યામાં સતત વધારો યથાવત્ છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે 3 દર્દીના મોત થયા છે. રાજ્યમાં કુલ મૃત્યુઆંક 10054 થયો છે. રાજ્યમાં સાજા થવાનો દર 98.36 ટકા છે. અત્યાર સુધીમાં 2,51,28,252 ડોઝ કોરોના વેક્સીનના (CoronaVaccine)આપવામાં આવ્યા છે. રાજ્યમાં બીજી લહેર અસ્તાચળે છે ત્યારે આજે કોરોના પણ નર્વસ નાઇન્ટીસમાં આવી ગયો છે.

રાજ્યમાં આજે સૌથી વધુ કેસ અમદાવાદ શહેરમાં 21, સુરત શહેરમાં 11, વડોદરા શહેરમાં 10, રાજકોટ શહેરમાં 8, અમરેલી જિલ્લામાં 6, વડોદરા જિલ્લામાં 6,નોંધાયા છે જ્યારે સૌથી વધુ 101 દર્દી સુરત શહેરમાં અને 46 દર્દી અમદાવાદમાં સાજા થઈને પરત ઘરે ગયા છે.

રાજ્યમાં કોરોના વાયરસના નવા કેસની સામે સાજા થયેલા દર્દીઓની સંખ્યા 3 ગણ છે. આજે કુલ 2,49,125 દર્દીઓને રસી આપવામાં આવી છે જેમાં સૌથી વધુ રસીકરણ અમદાવાદ શહેરમાં 22669 વ્યક્તિઓનું થયું છે. જ્યારે સુરત શહેરમાં 24799 દર્દીઓનું રસીકરણ થયું છે. વડોદરા શહેરમાં 11227 દર્દીઓને રસી અપાઈ છે. પ્રતિકાત્મક તસવીર

રાજ્યમાં હાલમાં કોરોના વાયરસના કુલ 3565 એક્ટિવ કેસ છે જે પૈકીના ફક્ત 18 દર્દી વેન્ટિલેટર પર છે જ્યારે 3451 દર્દીઓ સ્ટેબલ છે, હાલમાં કુલ 809821 દર્દીઓ સાજા થઈને પરત ઘરે ગયા છે જ્યારે કુલ 10054 દર્દીઓનાં મોત થયા છે. પ્રતિકાત્મક તસવીર

આજે રાજ્યના 15 જિલ્લામાં કોરોનાનો એક પણ કેસ નોંઘાયો નથી. જ્યારે રાજ્યના અમદાવાદ, વડોદાર, સુરત, રાજકોટ મહાનગરને બાદ કરતા અન્ય જિલ્લામાં 0-6 સુધી કેસ નોંધાયા છે. આમ કોરોનાની બીજી લહેર પર સરકારે લગભગ જીત મેળવી લીધી છે. (અહેવાલની તમામ તસવીરો પ્રતિકાત્મક છે)