Gujarat corona Update: રાજ્યમાં કોરોનાના નવા કેસ સવાસોની નીચે, 17 જિલ્લા-3 મનપામાં આજે શૂન્ય કેસ

Gujarat corona Update: રાજ્યમાંથી કોરોનાવાયરસની ત્રીજી લહેર વિદાય લઈ રહી છે (Third Wave of Coronavirus). રાજ્યમાં આજે 28મી ફેબ્રુઆરીના રોજ કોરોનાવાયરસના નવા 117 કેસ નોધાયા છે, જેની સામે રાજ્યમાં આજે 344 દર્દીઓ સાજા થયા છે. સતત ઘટતા જતા કેસ વચ્ચે આજે 02 દર્દીનાં કરૂણ મોત થયા છે (Gujarat Corona deaths) રાજ્યમાંથી કોરોના વાયરસની વિદાય થઈ રહી છે અને ગણતરીના દિવસોમાં જ ત્રીજી લહેરનું સમાપન થઈ શકે છે. આજે રાજ્યના 17 જિલ્લા અને 3 મહાનગરોમાં કોરોનાનો શૂન્ય કેસ નોંધાયો છે.

ગુજરાતમાં આજે અમદાવાદ શહેરમાં 58, વડોદરા શહેરમાં 10, વડોદરા જિલ્લામાં 08, સુરત જિલ્લામાં 07, ગાંધીનગર શહેરમાં 04, રાજકોટ શહેરમાં 04, સુરત શહેરમાં 04, અમદાવાદ, આણંદ, બનાસકાંઠામાં 3-3, ગાંધીનગર, નવસારી, રાજકોટમાં 2-2, કચ્છ, મોરબી, પંચમહાલ, તાપી, વલસાડમાં 1-1 નવો કેસ નોંધાયો છે.

રાજ્યમાં આજે ત્રીજી લહેર આથમ્યા પછી પહેલીવાર એક સાથે 17 જિલ્લામાં કોરોનાનો સફાયો થયો છે. આ જે રાજ્યના અમરેલી, અરવલ્લી, ભરૂચ, ભાવનગર શહેર જિલ્લો, બોટાદ, છોટાઉદેપુર, ડાંગ, દેવભૂમિ દ્વારાકા, ગીર સોમનાથ, જામનગર શહેર જિલ્લો, જૂનાગઢ શહેર જિલ્લો, મહીસાગર, મહેસાણા, નર્મદા, પાટણ, પોરબંદર, સાબરકાંઠા, સુરેન્દ્રનગરમાં શૂન્ય કેસ નોંધાયા છે.<br />પ્રતિકાત્મક તસવીર

<br />રાજ્યમાં કોરોનાના એક્ટિવ કેસ ફક્ત 1820 બચ્યા છે. જે પૈકીના ફક્ત 22 દર્દીઓ વેન્ટિલેટર પર છે. રાજ્યમાં આજે 1798 દર્દીઓ સ્ટેબલ છે જ્યારે આજદિન સુધીમાં કુલ 12,09,787 દર્દી સાજા થઈ ગયા છે. રાજ્યમાં આજના બે મોત ઉમેરાતા મૃત્યુનો આંક 10930 પર પહોંચી ગયો છે. પ્રતિકાત્મક તસવીર

<br />ગુજરાતનો કોરોનાનો રિકવરી રેટ 98.96 ટકાએ પહોંચી ગયો છે. રાજ્યમાં આજે કોવિડ-19ના નવા 117 કેસ નોંધાયા છે. રાજ્યમાં કુલ 10,29,83,813 દર્દીઓને કોરોનાની રસી આપવામાં આવી છે. આ પૈકીના 31021 દર્દીઓને આજે આ રસી આપવામાં આવી છે. (પ્રતિકાત્મક તસવીર)