corona Update: અમદાવાદની NIDમાં કોરોનાનું સંક્રમણ ફેલાતા રાજ્યમાં નવા કેસમાં વધારો, આજે 18 દર્દી સાજા થયા

Gujarat Corona Update: વિશ્વના અનેક દેશો કોરોનાવાયરસની ચોથી લહેરનો સામનો કરી રહ્યા છે (Fourth Wave of Coronavirus) ત્યારે ભારતમાં કોરોનાના નવા કેસમાં સતત ઘટાડો થઈ રહ્યો છે. ગુજરાત રાજ્યમાં વેક્સિનેશનની તેજ રફતારના કારણે ત્રીજી લહેર સમાપ્ત થઈ ગઈ છે. જોકે, હજુ ક્યાંક ક્યાંક છૂટાછવાયા નવા કેસો નોંધાતા રહે છે. દરમિયાન આજે 9-5-2022 સંધ્યાએ રાજ્યમાં કોરોનાવાયરસના (Gujarat corona Cases) નવા 23 કેસ નોંધાયા છે.

રાજ્યમાં આજે અમદાવાદ શહેરમાં 18 નવા કેસ નોંધાયા છે. આ ઉપરાંત વડોદરા શહેરમાં 03, આણં જિલ્લામાં 01, ભરૂચમાં 01 એમ કુલ 23 નવા કેસ નોંધાયા હતા. આજે સતત ત્રીજા દિવસે અમદાવાદમાં કોરોનાના નવા કેસમાં વધારો થયો છે. અમદાવાદના પાલડીમાં આવેલી નેશનલ ઈન્સ્ટિટ્યૂટ ઓફ ડિઝાઈન (NID)માં સંક્રમણ ફેલાઈ જતા અમદાવાદના અને રાજ્યના કોરોનાના નવા કેસમાં વધારો થઈ રહ્યો છે.

રાજ્યમાં આજે કુલ 18 દર્દી સાજા થયા છે. જેમાં અમદાવાદ શહેરમાં 05, વડોદરા શહેરમાં 03, આણંદના 01, વડોદરા દિલ્લાના 02, વલસાડ જિલ્લાના 02 રાજકોટ શહેરના 04 અને ગાંધીનગર શહેરના 01 મળીને કુલ 18 દર્દી સાજા થયા છે. આમ રાજ્યમાં નવા કેસના પ્રમાણમાં સતત દર્દીઓ સાજા થઈ રહ્યા છે.

રાજ્યમાં હવે 147 એક્ટિવ કેસ છે, કુલ 02 દર્દી વેન્ટિલેટર પર છે. તમામ 145 દર્દીઓ સ્ટેબલ છે. કુલ 12,13, 416 ર્દીઓ ડિસ્ચાર્જ થઈ ગયા છે. રાજ્યમાં કોરોનાના કારણે 10944 મોત સરકારી ચોપડે થયા છે.

રાજ્યમાં આજે કુલ 11,399 દર્દીઓનું રસીકરણ થયું છે. અત્યારસુધીમાં 99.10 ટકા જેટલા દર્દી સાજા થયા છે. રાજ્યમાં અત્યારસુધીમાં કુલ 10,81,69, 178 દર્દીઓનું રસીકરણ કરવામાં આવ્યું છે.