corona Update: રાજ્યમાં આજે 30 જિલ્લા અને 04 મહાનગરમાં કોરોનાનો સફાયો, 12 દર્દી સાજા થયા

Gujarat Corona Update: વિશ્વના અનેક દેશો કોરોનાવાયરસની ચોથી લહેરનો સામનો કરી રહ્યા છે (Fourth Wave of Coronavirus) ત્યારે ભારતમાં કોરોનાના નવા કેસમાં સતત ઘટાડો થઈ રહ્યો છે. ગુજરાત રાજ્યમાં વેક્સિનેશનની તેજ રફતારના કારણે ત્રીજી લહેર સમાપ્ત થઈ ગઈ છે. જોકે, હજુ ક્યાંક ક્યાંક છૂટાછવાયા નવા કેસો નોંધાતા રહે છે. દરમિયાન આજે 20મી એપ્રિલની સંધ્યાએ રાજ્યમાં કોરોનાવાયરસના 13 (Gujarat corona Cases) નવા કેસ નોંધાયા છે. આ નવા કેસમાં રાજ્યના મહાનગરોમાં જ એકલ દોકલ કેસ નોંધાઈ રહ્યા છે. આવતીકાલે બ્રિટીશ પીએમ બોરિસ જ્હોનસન (Boris Jhonson) અમદાવાદની મુલાકાતે છે ત્યારે તેમના આગમની પૂર્વ સંધ્યાએ રાજ્યમાં કોરોનાનો લગભગ સફાયો થઈ ગયો છે.

દરમિયાન આજે રાજ્યમાં આજે અમદાવાદ શહેરમાં 06, આણંદમાં 02, ડાંગમાં 01, ગાંધીનગર શહેરમાં 01, ગીર સોમનાથમાં 01, જામનગર શહેરમાં 01, વડોદરા શહેરમાં 01 મળી અને કુલ 13 નવા કેસ નોંધાયા છે. જ્યારે આજે 12 દર્દી સાજા થયા છે.

રાજ્ય આજે 12 દર્દી સાજા થયા છે. રાજ્યમાં આજે અમદાવાદમાં 06, ગાંધીનગર શહેરમાં 01, વડોદરા શહેરમાં 03, ગાંધીનગર જિલ્લામાં 01, વડોદરા શહેરમાં 01 મળી અને 12 કેસ નોંધાયા છે.

રાજ્યમાં હવે 92 એક્ટિવ કેસ છે, કુલ 00 દર્દી વેન્ટિલેટર પર છે. તમામ 92 દર્દીઓ સ્ટેબલ છે. કુલ 12,13, 162 દર્દીઓ ડિસ્ચાર્જ થઈ ગયા છે. રાજ્યમાં કોરોનાના કારણે 10942 મોત થયા છે.

રાજ્યમાં આજે કુલ 67,325 દર્દીઓનું રસીકરણ થયું છે. અત્યારસુધીમાં 99.10 ટકા જેટલા દર્દી સાજા થયા છે. રાજ્યમાં અત્યારસુધીમાં કુલ 10,69,38,147 દર્દીઓનું રસીકરણ કરવામાં આવ્યું છે.