corona Update: રાજ્યમાં કોરોનાના કેસમાં હળવો વધારો યથાવત, જાણો આજે ક્યાં નોંધાયા સૌથી વધુ કેસ

Gujarat Corona Update: રાજ્યમાં 15મી મેની સાંજે કોરોના વાયરસના નવા કેસની (Gujarat Covid Cases on 15-5-2022) સ્થિતિ જોતા એક્ટિવ કેસનો આંકડો (gujarat Coronavirus Cases) સતત વધતો જોવા મળી રહ્યા છે. રાજ્યમાં એક સમયે 100ની નીચે સરકી ગયેલા એક્ટિવ કેસ હવે ફરી 200ની પાર થઈ ગયા છે. રાજ્યમાં આજે 15મી મેની સાંજે કોરોના વાયરસના નવા 33 કેસ નોંધાયા છે. આજે 15મી મેની સાંજે જાહેર થયેલા કોરોના વાયરસના આંકડાઓ મુજબ રાજ્યના 31 જિલ્લાઓ અને 05 મહાનગરમાં કોરોના વાયરસના નવા શૂન્ય કેસ નોંઘાયા છે.

રાજ્યમાં આજે 15મી મેની સંધ્યાએ અમદાવાદ શહેરમાં વધુ 15 નવા કેસ નોંધાયા છે. આ સિવાય આણંદ જિલ્લામાં 01, ગાંધીનગર શહેરમાં 06, સુરતમાં 01, વડોદરા શહેરમાં 10 મળીને આજે કુલ 33 નવા કેસ નોંધાયા છે. રાજ્યમાં આજે અન્ય કોઈ પણ શહેર કે જિલ્લામાં કોરોનાના નવા કેસ નોંધાયા નથી.

રાજ્યમાં આજે 15મી મેની સાંજે કુલ 37 દર્દીઓ સાજા થયા છે. આ દર્દીઓમાં અમદાવાદ શહેરમાં 34, વડોદરા શહેરમાં 01, સુરત શહેરમાં 01, આણંદમાં 01 મળીને કુલ 37 દર્દી સાજા થયા છે. ઘણા દિવસો બાદ રાજ્યમાં નવા કેસ કરતા રિકવર થયેલા દર્દીઓની સંખ્યા વધી છે.

રાજ્યમાં આજે એક્ટિવ કેસનો આંકડો 214 છે, રાજ્યમાં કુલ 02 દર્દી વેન્ટિલેટર પર છે. રાજ્યમાં કુલ 212 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,13,563 છે. આ ઉપરાંત રાજ્યમાં મૃત્યુની સંખ્યા 10,944 છે.

રાજ્યમાં આજે કુલ 4,516 વ્યક્તિઓનું રસીકરણ થયું છે. રાજ્યમાં રસીકરણનો કુલ આંકડો વધી રહ્યો છે. રાજ્યમાં અત્યારસુધીમાં 10,83,81,237 ડોઝ આપવામાં આવ્યા છે.