corona Update: આજે રાજ્યના 32 જિલ્લા અને 04 મહાનગરમાં કોરોનાનો સફાયો, એક્ટિવ કેસની સંખ્યામાં સતત વધારો

Gujarat Corona Update: રાજ્યમાં 14મી મેની સાંજે કોરોના વાયરસના નવા કેસની (Gujarat Covid Cases on 14-5-2022) સ્થિતિ જોતા એક્ટિવ કેસનો આંકડો (gujarat Coronavirus Cases) સતત વધતો જોવા મળી રહ્યા છે. રાજ્યમાં એક સમયે 100ની નીચે સરકી ગયેલા એક્ટિવ કેસ હવે ફરી 200ની પાર થઈ ગયા છે. રાજ્યમાં આજે 14મી મેની સાંજે કોરોના વાયરસના નવા 31 કેસ નોંધાયા છે. આજે 14મી મેની સાંજે જાહેર થયેલા કોરોના વાયરસના આંકડાઓ મુજબ રાજ્યના 32 જિલ્લાઓ અને 04 મહાનગરમાં કોરોના વાયરસના નવા શૂન્ય કેસ નોંઘાયા છે.

રાજ્યમાં આજે 14મી મેની સંધ્યાએ અમદાવાદ શહેરમાં 20 કેસ, વડોદરા શહેરમાં 06 કેસ, રાજકોટ શહેરમાં 03 કેસ, ભરૂચમાં 01 કેસ, સુરત શહેરમાં 01 કેસ મળીને કુલ 31 નવા કેસ નોંધાયા છે. અમદાવાદ શહેરમાં છેલ્લા કેટલાય દિવસોથી ડબલ ડિજિટમાં આંકડો નોંધાઈ રહ્યો છે.

રાજ્યમાં આજે 14મી મેની સાંજે કુલ 24 દર્દીઓ સાજા થયા છે. આ દર્દીઓમાં અમદાવાદ શહેરમાં 18, વડોદરા શહેરમાં 03, રાજકોટ શહેરમાં 02, અમદાવાદ જિલ્લામાં 01, મળીને કુલ 24 દર્દીઓ સાજા થયા છે. રાજ્યમાં છેલ્લા કેટલાય દિવસોથી એક્ટિવ કેસની સંખ્યા વધી રહી છે.

રાજ્યમાં આજે એક્ટિવ કેસનો આંકડો 218 છે, રાજ્યમાં કુલ 02 દર્દી વેન્ટિલેટર પર છે. રાજ્યમાં કુલ 216 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,13,526 છે. આ ઉપરાંત રાજ્યમાં મૃત્યુની સંખ્યા 10,944 છે.

રાજ્યમાં આજે કુલ 23, 876 વ્યક્તિઓનું રસીકરણ થયું છે, આ પૈકીના સૌથી વધુ રસીના ડોઝન અમદાવાદ શહેરમાં આપવામાં આવ્યા છે. અમદાવાદ શહેરમાં આજે રસીના 5989 ડોઝ આપવામાં આવ્યા છે. આ ઉપરાંત આણંદમાં 2033 ડોઝ, સુરત શહેરમાં 1276, વડોરા શહેરમાં 1202, રાજકોટ શહેરમાં 1412, બનાસકાંઠામાં 1848, મળીને કુલ 23876 રસીના ડોઝ આપવામાં આવ્યા છે.