ગુજરાતના પ્રતિભાશાળી ખેલાડીઓનો કોમનવેલ્થ યુથ ચેસ ચેમ્પિયનશિપમાં દબદબો

દિપીકા ખુમાણ, અમદાવાદ: સુરતનાં વિવાન શાહે તાજેતરમાં શ્રીલંકાની હોટેલ સિટ્રસ, વાસ્કાડુવા ખાતે આયોજિત કોમનવેલ્થ યુથ ચેસ ચેમ્પિયનશીપ દરમિયાન ઉત્કૃષ્ટ પ્રદર્શન કર્યું હતું. U-10 ઓપન કેટેગરીમાં જોરદાર પ્રદર્શન કરીને, સુરતનો વિવાન શાહ અપરાજિત રહ્યો હતો અને તેણે 9માંથી 9 પોઈન્ટ હાંસલ કર્યા હતા. જેના કારણે તે બોર્ડમાં ટોચ પર હતો અને ગોલ્ડ મેડલનો હકદાર બન્યો હતો. અંડર-14 ગર્લ્સ કેટેગરીમાં ફલક જોની નાઈક દ્વારા સિલ્વર મેડલ અને અંડર-10 ગર્લ્સ કેટેગરીમાં હાન્યા શાહે બ્રોન્ઝ મેડલ જીતીને અન્ય નોંધપાત્ર પ્રદર્શન કર્યું હતું. આ તમામ ખેલાડીઓને પીએમઓ, કોલંબોમાં શ્રીલંકાના માનનીય વડાપ્રધાન દિનેશ ગુણવર્દના દ્વારા એવોર્ડ પ્રાપ્ત કરીને સન્માનિત કરવામાં આવ્યા હતા.

આ અંગે વાતચીત કરતાં વિવાન શાહની માતા રીના શાહે ન્યુઝ18 ગુજરાતીને જણાવ્યું કે, તેમણે આ મુકામને હાંસલ કરવા માટે ઘણી મહેનત કરી હતી. વિવાન જ્યારે 7 વર્ષનો  હતો ત્યારે અમે ઘરમાં ચેસની ગેમ લાવ્યા હતા લોકડાઉનમાં વિવાન શાહ તેમનાં પપ્પા સાથે ચેસ રમતો હતો.

ચેસ માટે તેની પસંદગી જોઈને અમે સુરતના પાલ વિસ્તારમાં આવેલી ટીનકેસલ ચેસ એકેડમીમાં ક્લાસ શરુ કર્યા આ દરમિયાન ક્લાસ ટુર્નામેન્ટ આવી ત્યારે વિવાને ટુર્નામેન્ટમાં ભાગ લઈને સૌ પ્રથમ વખત અંડર 7 કેટેગરીમાં ટ્રોફી મેળવી હતી.

ત્યારબાદ એક બાદ એક વિવાન અલગ અલગ ટુર્નામેન્ટમાં ભાગ લેવા લાગ્યો અત્યાર સુધી તે યુરોપનાં જોર્જિયા, ઈન્ડોનેશિયાના બાલી અને હમણાં શ્રીલંકા જઈ આવ્યો છે.

વિવાન મેટાસ ઓફ સેવન્થ દય એડવેન્ટિસ્ટ્સ સ્કૂલમાં  ભણે છે. વિવાનની પ્રગતિ માટે શાળાના શિક્ષકો અને પ્રિન્સીપાલને ધન્યવાદ છે કે, તેઓ હંમેશાં વિવાને મોટીવેટ કરે છે.

વિવાન મેટાસ ઓફ સેવન્થ દય એડવેન્ટિસ્ટ્સ સ્કૂલમાં  ભણે છે. વિવાનની પ્રગતિ માટે શાળાના શિક્ષકો અને પ્રિન્સીપાલને ધન્યવાદ છે કે, તેઓ હંમેશાં વિવાને મોટીવેટ કરે છે.

સ્કૂલ મીસ થાય પરંતુ વિવાન બધાં જ લેક્ચર બાદમાં શિક્ષકો પાસેથી સમજી લે છે. અમે વિવાનના માતા પિતા હોવાનું ગર્વ અનુભવીએ છીએ. વિવાનના પિતા પણ હંમેશાં વિવાનને પ્રોત્સાહિત કરે છે જેની વિવાનની પ્રગતિ જોઈને તેની નાની બેન પણ વિવાનની જેમ પોતાના ક્ષેત્રે ધગશથી આગળ વધે.