પાકિસ્તાનથી મોકલેલું 150 કરોડનું હેરોઇન કચ્છમાં કોને આપવાનું હતું? ગુજરાતના ડ્રગ માફિયાનું નામ ખુલ્યું

નવીન ઝા, અમદાવાદ : ATS  (Anti Terrorist Squad Gujarat) ગુજરાત અને ભારતીય કોસ્ટ ગાર્ડે (Indian Cost Guard) સંયુક્ત ઓપરેશન કરી પાકિસ્તાનની બોટ અને 30 કિલો હેરોઇન સહિત 8 પાકિસ્તાની (8 Pakistani Caught with Heroin) નાગરિકોની ધરપકડ કરી હતી.એ મામલે તપાસ માં અન્ય ખુલાસા થયા છે અને ગુજરાતથી લઈ પંજાબ સુધીનું કનેકશન સામે આવ્યું છે.Ats દ્વારા આરોપીઓનાં રિમાન્ડ મેળવી આગળ ની કાર્યવાહી શરૂ કરવા માં આવી હતી અને જેમાં વધુ 6 આરોપીઓ ના નામ સામે આવ્યા છે અને જે લોકો આ રેકેટમાં સામેલ હતા .

તપાસમાં સામે આવ્યું છે કે પાકિસ્તાનથી કરાંચીમાં રહેતા આરીફ કચ્છીએ પકડાયેલ આરોપીઓમાંથી હુસૈન ઇબ્રાહિમને હેરોઇનના પેકેટ આપ્યા હતા. ત્યારબાદ મુસ્તફા અને નસરુલ્લાએ નુહ નામની બોટ માં મૂકી દીધા હતા.આ ડ્રગનો જથ્થો દરિયામાં જઈ આરીફના કહેવા પ્રમાણે જખૌના દરિયામાં જઈ હાજીના માણસનો સંપર્ક કરી સામેથી કાસમ તરીકે જવાબ આવે તે લોકોને આપવાની વાત કરી હતી.

તપાસમાં સામે આવ્યું છે કે આ કામે માટે આરીફે 2 લાખ રૂપિયા એડવાન્સ આપી દીધા હતા અને કામ થયા પછી 5 લાખ રૂપિયા આપવાનો હતો.તપાસમાં સામે આવ્યું છે કે પાકિસ્તાનના ડ્રગ માફિયા સિકંદર ડેર નામના આરોપીએ આરીફના મારફતે આ ડ્રગ ભારતમાં મોકલી રહ્યો હતો .

જેમાં આ સમગ્ર કેસમાં ગુજરાતના ડ્રગ માફિયા અને હાલ વોન્ટેડ અને દુબઈમાં રહી ડ્રગનો વેપાર કરતો આરોપી સાહિદ સુમરા પોતાના માણસો દ્વારા પંજાબના મનજીત સિંગ,રેશમ સિંગ અને પુનિત કજાલા સુધી ડિલિવરી પહોંચાડવાનો હતો.

હાલ તો ATS દ્વારા આ 8 આરોપીઓનાં રિમાન્ડ મેળવી કાર્યવાહી શરૂ કરી છે ત્યારે આ ગુનામાં ફરાર અન્ય આરોપીઓ ને પકડવા કામગીરી કરી રહી છે.મહત્વ નું છે કે આ ડ્રગ પાછળ કોઈ આતંકી સંગઠન અથવા ISIનો હાથ છે કે કેમ તેની પણ તપાસ કરી રહી છે.