દશેરાની સવારે રાજ્યમાં બે મોટા અકસ્માત, 3 બાળકો સહિત 5 વ્યક્તિનાં કમકમાટીભર્યા મોત

અમદાવાદ : રાજ્યમાં આજે વિજયા દશમીના (dussehra) તહેવારના દિવસે સવાર સવારમાં કરૂણ સમાચાર સામે આવ્યા છે. આજે સવારે રાજ્યના બે સ્થળોએ થયેલા મોટા (accidents in gujarat on dudhhera Morning) અકસ્માતમાં કુલ 5 વ્યક્તિના જીવનનો દિવો ઓલવાઇ ગયો છે. રાજ્યના ભરૂચ અને દાહોદ જિલ્લામાંથી અકસ્માતના બે સમાચાર સામે આવી રહ્યા છે તેમાં 3 બાળકો સહિત 5નાં મોત નીપજ્યા છે.

દાહોદ : દાહોદના નાનીડોકી ખાતે રીક્ષા પાણીમાં ખાબકી હતી. તળાવના કોતરમાં રીક્ષા ગરકાવ થતા 3 બાળકોનાં મોત નીપજ્યા હતા. રીક્ષામાં સવાર 3 મહિલાનો આ આ અકસ્માતમાં બચાવ થયો હતો. હોસ્પિટલથી પ્રસુતિ બાદ ઘરે લઈ જતા રસ્તામાં બની હતી ઘટના. ફાયર ફાઈટરની ટીમે મૃતદેહોને બહાર કાઢી હતી.

જે બાળકે આ દુનિયા જ નથી જોઈ તેવા નવજાતનું પણ દશેરાના દિવસે પ્રાણનું પંખેરું આ અકસ્માતમાં ઉડી ગયું હતું. પાણીમાં રીક્ષા કેવી રીતે ખાબકી તે તો મહિલાઓના નિવેદન બાદ જ જાણી શકાશે પરંતુ નાનકડાં એવા ગામમાં માતમનો માહોલ છવાયો હતો.

ભરૂચ : દહેજ રોડ ઉપર દશાન નજીક આજે સવારે એક ગમખ્વાર અકસ્માત નીપજ્યો હતો. આ અકસ્માતમાં એક ટ્રકની ટક્કર બાદ ટેમ્પો પલટી જતા ટેમ્પોમાં સવાર 2 લોકોનાં મોત નિપજ્યા હતી. જ્યારે આ ગમ્ખાવર અકસ્માતમાં 3 લોકોને ઇજાઓ પહોંચતા હોસ્પિટલ ખસેડાયા હતા. અંકલેશ્વરના વેપારી દહેજની રવિવારીમાં વેપાર કરવા જઈ રહ્યા હતા તે દરમિયાન કાળ બની આવેલા ટ્રકની ટક્કરે બે કમનસીબોનું પ્રાણનું પંખેરૂં ઉડી ગયું હતું.

અકસ્માત એટલો કમકમાટી ભર્યો હતો કે તેને જોઈને સૌના હ્રદય દ્રવી ઉઠ્યા હતા. આમ રાજ્યમાં જ્યારે લોકો વહેલીસવારથી વિજયા દશમીના શુભ મહૂર્તમાં પૂજન અર્ચન કહરતા હતા ત્યારે રાજ્યમાં બે ઠેકાણે માતમ છવાઈ ગયો હતો.