અમદાવાદની વેજલપુર વિસ્તારની બકેરી સિટીમાં ભગવાન શ્રીરામના જન્મોત્સવના દિવસે દિવાળી જેવો માહોલ

દીપિકા ખુમાન, અમદાવાદ: અમદાવાદના વેજલપુર વિસ્તારમાં રામનવમીની રંગેચંગે ઉજવણી કરવામાં આવી. રામનવમીની ઉજવણીને ભાગરૂપે સાંજના સમયે બકેરી સીટી 51,000 દિવડાઓની રોશનીથી ઝળહળી ઉઠ્યું. પ્રથમવાર બકેરી સીટીની 11 સોસાયટીઓએ સાથે મળીને એકસાથે મોટાપાયે ભગવાન શ્રીરામના જન્મોત્સવની ઉજવણીનું આયોજન કર્યું. જેનુ મુખ્ય આકર્ષણ 51000 દિવડાઓથી કરવામાં આવેલ સુશોભન રહ્યું હતું.

સોસાયટીની મુખ્ય રસ્તાની ડાબી અને જમણી બાજુએ દિવડા પ્રગટાવવામાં આવ્યા હતા. 51 હજાર દિવડા માટે 15 કિલોના 44 ડબ્બાનો ઉપયોગ થયો. આ ઉજવણીમાં 11 સોસાયટીના 5 હજાર થી વધારે સભ્યોએ ઉત્સાહ અને જુસ્સાપૂર્વક ભાગ લીધો. આ ઉપરાંત ભગવાન શ્રીરામ ચંદ્રજીના જન્મોત્સવને વધારવા માટે પણ કરવામાં આવી હતી.

બકેરી સિટીની 11 સોસાયટીના સ્વયંસેવકો દ્વારા ‘સારથી સંગઠન’ નામથી મંડળ તૈયાર કરવામાં આવ્યું છે, જેના બેનર હેઠળ પાછલા બે મહિનાથી રામનવમીના તહેવાર માટેનું આયોજન ચાલી રહ્યું હતું. ત્યારે રામનવમીના દિવસે સોસાયટીની બહાર મહિલાઓ દ્વારા ખાસ રંગોળી તૈયાર કરવામાં આવી હતી.

આ કાર્યક્રમથી સોસાયટીમાં દિવાળીનો માહોલ સર્જાયો હતો.  ન માત્ર બેકેરી સિટીના સભ્યો પરંતુ આ 51 હજાર દિવડાની રોશનીના અદભુત નજારાને જોવા માટે આસપાસની સોસાયટીના સભ્યો પણ મોટી સંખ્યામાં ઉમટી પડ્યા હતા.

સામાન્ય રીતે તમામ સોસાયટીઓમાં સ્વતંત્ર રીતે વર્ષ દરમિયાન ગણેશ ઉત્સવ, નવરાત્રી, હોળી - ધુળેટી જન્માષ્ટમી વગેરે જેવા તહેવારોનું આયોજન કરવામાં આવતું હોય છે. જોકે ભગવાન શ્રીરામ કે જે દેશભરના લોકો માટે આસ્થા અને પ્રતીકનું કેન્દ્ર રહ્યું છે.

આજના રામનવમીના દિવસે તમામ સોસાયટીઓ એક કર્યા અને મળી મહોત્સવની ઉજવણી કરી હતી. રામનવમીના ભાગમાં સુંદરકાંડ અને મહાપ્રસાદીનું આયોજન કરવામાં આવ્યું જેમાં 11 સોસાયટીના 5 હજારથી વધારે સભ્યોએ ભાગ લીધો.

સોસાયટીમાં દિવાળીનો માહોલ સર્જાયો, ન માત્ર બેકેરી સિટીના સભ્યો પરંતુ આ 51 હજાર દિવડાની રોશનીના અદભુત નજારાને જોવા માટે આસપાસની સોસાયટીના સભ્યો પણ મોટી સંખ્યામાં ઉમટી પડ્યા હતા.