અમદાવાદ: કારની ટક્કરથી દંપતી બ્રિજ પરથી નીચે પટકાયું, લગ્નની એનિવર્સરી ઉજવીને ઘરે આવી રહ્યા હતા પતિપત્ની

હર્મેશ સુખડિયા, અમદાવાદ: શહેરનો એસજી હાઈવે (accident on SG Highway) મોતનો રોડ બન્યો હોય તેમ છાશવારે જીવલેણ અકસ્માતો થઈ રહ્યા છે. તેવામાં ગત મોડી રાતે એક કાર ચાલકે દંપતીને (couple death in accident) અડફેડે લેતા તેમના મોત નિપજ્યા હતા. જે અંગે ટ્રાફિક પોલીસે (Ahmedabad traffic police) ગુનો નોંધી તપાસ હાથ ધરી છે. સાથે જ જે કાર વડે અકસ્માત થયો હતો તે કાર પણ કબ્જે કરી છે. જોકે આરોપી ફરાર થઈ ગયો છે. જેની પોલીસે શોધખોળ હાથ ધરી છે.

અમદાવાદના એસજી હાઈવે પર સોલા ભાગવત વિદ્યાપિઠની સામે ગત મોડી રાતે એક જીવલેણ અકસ્માત સર્જાયો હતો. જેમાં નિવૃત્ત પોલીસ અધિકારીના પુત્ર અને પુત્રવધુનુ મોત થયુ છે. મૃતક દ્વારકેશ વાણીયા અને તેમના પત્નિ જુલી ગઈકાલે મોડી રાતે એક્ટિવા પર હાઈવે પરથી પસાર થતા હતા.

તે સમયે પુરઝડપે આવી રહેલી કાર GJ 01 KP 9398 ના ચાલકે તેમને અડફેટે લીધા હતા. જેમાં તેમના બ્રિજ પરથી નીચે પટકાતા મૃત્યુ થયા છે. જે અંગે ટ્રાફિક પોલીસે ગુનો નોંધી તપાસ હાથ ધરી હોવાનું પીઆઈ અપૂર્વ પટેલ એ જણાવ્યું છે.<br />મહત્વનુ છે કે, મૃતક દંપતીના બે મહિના પહેલા જ લગ્ન થયા હતા.

ગઈકાલે એનિવર્સરી ઉજવવા માટે બહાર ગયા હતા. તે સમયે પરત ઘરે ફરતા આ અકસ્માત થયો હતો. મહત્વનુ છે કે, કારની ટક્કર એટલી જોરદાર હતી કે, દંપતીને અડફેટે લીધા બાદ 100 મિટરના અંતરે તેઓ બ્રિજ પરથી નીચે પટકાયા હતા. જોકે, અકસ્માત બાદ કાર ચાલક કાર મુકી તરત ફરાર થઈ ગયો હોવાનું પોલીસે જણાવ્યું છે.

<br />એસજી હાઈવે પર ઝડપી મુસાફરી માટે ઓવર બ્રિજ તો બનાવ્યા પરંતુ હવે આ ઓવર બ્રિજ પર ઓવર સ્પિડ લોકોના જીવ લઈ રહી છે. ત્યારે જીવલેણ બનેલા આ રસ્તાઓ પર અકસ્માત અટકાવવા માટે પોલીસ શુ પગલા લે છે તે જોવુ મહત્વનુ છે.