Gujarat Corona: ગુજરાતમાં કોરોનાની શું છે સ્થિતિ, ક્યાં કેટલા કેસ નોંધાયા?

અમદાવાદઃ દેશની રાજધાની દિલ્હીમાં કોરોના વાયરસના કેસોમાં (Delhi coronavirus case) વધારો થતાં દેશમાં ફફટાડ ફેલાયો છે ત્યારે ગુજરાતમાં કોરોના વાયરસની (Gujarat corona case) સ્થિતિ સમાન્ય બનેલી છે. ગુજરાતમાં છેલ્લા 24 કલાકમાં કોરોના વાયરસની (covid-19 case) સ્થિતિ અંગે વાત કરીએ તો ગુજરાતભરમાં કોરોનાના નવા 14 કેસ નોંધાયા છે જ્યારે 20 દર્દીઓ સાજા થયા છે. આમ ગુજરાતમાં કોરોનામાંથી સાજા થવાનો દર 99.10 ટકા રહ્યો છે. (પ્રતિકાત્મક તસવીર)

મળતા આંકડા પ્રમાણે ગુજરાતમાં આજે ગુરુવાર 28 એપ્રિલના રોજ કોરોના વાયરસના નવા 14 કેસો નોંધાયા છે જ્યારે 20 દર્દીઓ સાજા થયા છે. જોકે, કોરોનામાંથી એક પણ દર્દીનું મોત નીપજ્યું નથી. આમ કોરોનામાંથી સાજા થવાનો દર 99.10 ટકા રહ્યો છે. (પ્રતિકાત્મક તસવીર)

રાજ્યમાં વિવિધ જિલ્લા અને મહાનગરપાલિકાઓમાં કોરોનાની સ્થિતિ અંગે વાત કરીએ તો અમદાવાદ કોર્પોરેશનમાં 8 કેસ, સુરતમાં 2 કેસ, વડોદરા કોર્પોરેશનમાં 2 કેસ, દાહોદમાં 1 અને ખેડામાં એક કેસ નોંધાયો છે. આ ઉપરાંતના જિલ્લા અને મહાનગર પાલિકાઓમાં કોરોનાનો એકપણ કેસ નોંધાયો નથી. અમદાવાદ કોર્પોરેશનમાં 10 દર્દીઓ અને વડોદરા કોર્પોરેશનમાં ચાર દર્દીઓ, બનાસકાંઠામાં 2, ગાંધીનગર કોર્પોરેશનમાં 1 અને જામગનગર કોર્પોરેશનમાં 1 કેસ નોંધાયો હતો. (પ્રતિકાત્મક તસવીર)

ગુજરાતમાં અત્યારે એક્ટીવ કેસોની વાત કરીએ તો ગુજરાતમાં 99 એક્ટીવ કેસો છે જેમાંથી બે દર્દીઓ વેન્ટીલેટર ઉપર છે અને 97 દર્દીઓ સ્ટેબલ છે. આ સાથે 1213263 દર્દીઓ ડીસ્ચાર્જ થયા છે. જ્યારે 10943 કુલ મોત નીપજ્યા છે. (પ્રતિકાત્મક તસવીર)

રસીકરણ અંગેની વાત કરીએ તો બુધવારે સાંજના પાંચ વાગ્યાથી ગુરુવાર ચાર વાગ્યા સુધી ગુજરાતભરમાં કુલ 1,43,934 રસીકરણ થયું છે. જેમાં 12-14 વર્ષ સુધીના 11954 બાળકોને પ્રથમ ડોઝ અને 92550 બાળકોને બીજો ડોઝ આપવામાં આવ્યો છે. જ્યારે 11799 લોકોને પ્રીકોશન ડોઝ આપવામાં આવ્યો છે. (પ્રતિકાત્મક તસવીર)