Gujarat Corona Update: રથયાત્રાના દિવસે જ ગુજરાતમાં કોરોના બોમ્બ ફૂટ્યો, ક્યાં કેટલા કેસ?

અમદાવાદઃ આજે શુક્રવારે અમદાવાદ સહિત ગુજરાતમાં વિવિધ શહેરોમાં ભગવાન જગન્નાથની રથયાત્રા (Rathyatra) નીકળી હતી. બધી જગ્યાએ શાંતિપૂર્ણ રીતે રથયાત્રા સંપન્ન થઈ હતી. લાખો લોકોએ ભગવાન જગન્નાથના દર્શન કરીને ધન્યતા અનુભવી હતી. તો બીજી તરફ કોરોના વાયરસે (coronavirus) પણ માથુ ઉચક્યું છે. રથયાત્રાના દિવસે જ ગુજરાતમાં કોરોના વિસ્ફોટ (Gujarat covid-19) થયો હતો. છેલ્લા 24 કલાકમાં ગુજરાતમાં (Gujarat) 632 કોરોના કેસ નોંધાયા હતા. બીજી તરફ 384 દર્દીઓ કોરોનામાંથી સાજા થયા હતા. (પ્રતિકાત્મક તસવીર)

ગુજરાતમાં આરોગ્ય વિભાગે જાહેર કરેલા આંકડા પ્રમાણે છેલ્લા 24 કલાકમાં કોરોના વાયરસના 632 કેસ નોંધાયા હતા. જ્યારે 384 દર્દીઓ સાજા થયા હતા. આમ રાજ્યમાં કોરોનામાંથી સાજા થવાનો દર 98.85 ટકા નોંધાયો હતો. (પ્રતિકાત્મક તસવીર)

રાજ્યમાં વિવિધ જિલ્લા અને મહાનગરપાલિકાઓમાં કોરોના વાયરસની સ્થિતિ અંગે વાત કરીએ તો અમદાવાદ કોર્પોરેશનમાં 258 કેસ, સુરત કોર્પોરેશનમાં 85 કેસ, વડોદરા કોર્પોરેશનમાં 42 કેસ, વલસાડમાં 33 કેસ, ગાંધીનગર કોર્પોરેશનમાં 32, મહેસાણામાં 30 કેસ નોંધાયા હતા. (પ્રતિકાત્મક તસવીર)

આ ઉપરાંત નવસારીમાં 18, સુરતમાં 18, કચ્છમાં 14, રાજકોટ કોર્પોરેશનમાં 14, ગાંધીનગરમાં 11, પાટણમાં 11, ભાવનગર કોર્પોરેશનમાં 8, દેવભૂમિ દ્વારકા 7, રાજકોટમાં 7, સાબરકાંઠામાં 6, ભરૂચમાં 5, અમદાવાદમાં 4, આણંદમાં 4, જામનગર કોર્પોરેશનમાં 4, મોરબીમાં 4, વડોદરામાં 4, અમરેલીમાં 2, ભાવનગરમાં 2, ખેડામાં 2, સુરેન્દ્રનગરમાં 2, બનાસકાંઠામાં 1, દાહોદમાં 1, ગીર સોમનાથમાં 1, પંચમાલમાં 1, તાપીમાં એક કેસ નોંધાયો હતો. (પ્રતિકાત્મક તસવીર)

રાજ્યમાં કોરોનાના એક્ટીવ કેસો અંગે વાત કરીએ તો ગુજરાતમાં 3289 એક્ટીવ કેસ નોંધાયા હતા. જ્યારે વેન્ટીલેટર પર 6 કેસ, 3283 સ્ટેબલ કેસ છે. અત્યાર સુધીમાં 10947 લોકોએ કોરોનામાં પોતાનો જીવ ગુમાવ્યો છે. (પ્રતિકાત્મક તસવીર)