Gujarat Corona Update: ગુજરાતમાં કોરોના કેસમાં ધરખમ વધારો, અમદાવાદમાં પોઝિટિવ કેસમાં મોટી છલાંગ

Gujarat Corona Update: દેશ અને દુનિયામાં કોરોના મહામારીએ (Corona Cases In India) વધુ એક વખત માથું ઉંચક્યું છે. ત્યારે ગુજરાતમાં પણ છેલ્લા 24 કલાકમાં કોરોના વાયરસ (Today Gujarat Corona virus Case)ના નવા કેસમાં ધરખમ વધારો નોંધાયો છે. ત્યારે આજે પોઝિટિવ કેસનોં આંકડો 200 પાર પહોંચી ગયો છે. ગુજરાતમાં પણ છેલ્લા 24 કલાકમાં કોરોનાવાયરસના નવા કેસમાં ધરખમ વધારો થયો છે. રાજ્યમાં 16 જૂનની સાંજે કોરોના વાયરસના નવા કેસની (Gujarat Covid Cases on 16-06-2022) સ્થિતિ વધારે વણસી રહી હોય તેમ લાગી રહ્યું છે. રાજ્યમાં કોરોના કેસનો એક્ટિવ આંકડો 1100ની પાર પહોંચી ગયો છે. રાજ્યમાં આજે 16 જૂનની સાંજે કોરોના વાયરસના નવા 228 કેસ નોંધાયા છે. જોકે રાજ્યમાં આજે અમદાવાદ શહેરમાં સૌથી વધુ 116 કેસ નોંધાયા છે.

રાજ્યમાં આજે 16 જૂનની સંધ્યાએ કોરોનાના 228 નવા કેસ નોંધાયા છે. જેમા સૌથી વધુ અમદાવાદમાં કોરોનાના 116 કેસ નોંધાયા છે. ત્યાં જ વડોદરામાં 30, સુરતમાં 26, રાજકોટમાં 12 કેસ, જામનગર અને ગાંધીનગરમાં 8, નવસારીમાં 5, ભરૂચમાં 4 કેસ, આણંદ, મહેસાણા અને વલસાડમાં 3 કેસ, અમરેલી અને કચ્છમાં 2, પંચમહાલ, પાટણ અને પોરબંદરમાં 1 કેસ કેસ નોંધાયા છે.

રાજ્યમાં આજે 16 જૂનની સાંજે કુલ 117 દર્દીઓ સાજા થતા તેમને રજા આપવામાં આવી છે. જેમાંથી અમદાવાદ શહેરમાં સૌથી વધુ 65 દર્દીઓ સાજા થયા છે. ત્યાં જ વડોદરા કોર્પોરેશનમાં 20, સુરત કોર્પોરેશનમાં 09, ગાંધીનગર કોર્પોરેશન 04, મહેસાણા 03, વલસાડ 02, રાજકોટ કોર્પોરેશન 03, જામનગર કોર્પોરેશન-ગાંધીનગરમાં 01-01 દર્દીઓ સાજા થયા છે.

રાજ્યમાં આજે સાંજ સુધીમાં કુલ 85,738 વ્યક્તિઓનું રસીકરણ થયું છે. રાજ્યમાં રસીકરણનો કુલ આંકડો વધી રહ્યો છે. રાજ્યમાં અત્યારસુધીમાં 11,07,19,403 ડોઝ આપવામાં આવ્યા છે.

રાજ્યમાં આજે એક્ટિવ કેસનો આંકડો 1102 ની ઉપર પહોંચી ગયો છે, રાજ્યમાં આજની તારીખમાં 03 દર્દી વેંટીલેટર પર છે, ત્યાં જ 1102 એક્ટિવ કેસ છે. રાજ્યમાં કુલ 1099 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,14,892 છે. આ ઉપરાંત રાજ્યમાં મૃત્યુની સંખ્યા 10,946 છે.