રાજ્યનાં બે શહેર-19 જિલ્લામાં આજે coronaનો શૂન્ય કેસ, બીજી લહેર સામે વિજય તરફ આગેકૂચ

અમદાવાદ : રાજ્યમાં (Gujarat)છેલ્લા 24 કલાકમાં કોરોના વાયરસના (Coronavirus)નવા 93 કેસ નોંધાયા છે. જેની સામે 326 દર્દીઓ સાજા થયા છે. કોરોનાથી સાજા થનાર દર્દીઓની સંખ્યામાં સતત વધારો યથાવત્ છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે 2 દર્દીના મોત થયા છે. રાજ્યમાં કુલ મૃત્યુઆંક 10056 થયો છે. રાજ્યમાં સાજા થવાનો દર 98.31 ટકા છે. અત્યાર સુધીમાં 2,53,93,866 ડોઝ કોરોના વેક્સીનના (Corona Vaccine)આપવામાં આવી છે. આજે રાજ્યના રેકોર્ડબ્રેક 21- જિલ્લામાં કોરોનાના 0 કેસ નોંધાયા છે.

રાજ્યમાં આજે સૌથી વધુ અમદાવાદ શહેરમાં 20 કેસ નોંધાયા છે જ્યારે એક મૃત્યુ થયું છે. આ ઉપરાંત સુરત શહેરમાં 18 કેસ નોંધાયા છે જ્યારે વડોદરામાં 8 અને રાજકોટ શહેરમાં 7 નવા કેસ નોંધાયા છે. આજે રાજ્યમાં સૌથી વધુ સુરતમાં 35917 વ્યક્તિઓને રસી અપાઈ છે.

રાજ્યમાં કોરોનાની બીજ લહેર સામે 'વિજય' હાથવેંતમાં છે. આજે રાજ્યના 21 જિલ્લામાં કોરોનાનો એક પણ કેસ નોંધાયો નથી જ્યારે બાકીના 16 શહેર-જિલ્લા મળીને કુલ 1-7 કેસ પ્રતિ જિલ્લામાં નોંધાયા છે. સરકાર માટે આજનો દિવસ રાહતભર્યો સાબિત થયો છે.

રાજ્યમાં કોરનાના કુલ એક્ટિવ કેસ પણ તળિયે પહોંચી ગયા છે. રાજ્યમાં કુલ 3230 એક્ટિવ કેસ છે જ્યારે 11 દર્દીઓ વેન્ટિલેટર પર છે જ્યારે 3219 દર્દીઓ સ્ટેબલ છે. રાજ્યમાં અત્યારસુધીમાં કુલ 8,10,147 દર્દીઓ ડિસ્ચાર્જ થઈ ચુક્યા છે જ્યારે 10056 દર્દીઓનાં મોત થયા છે. પ્રતીકાત્મક તસવીર: Shutterstock

રાજ્યમાં આજે 2,65,614 વ્યક્તિઓને પાંચ વાગ્યા સુધીમાં રસીના ડોઝ આપવામાં આવ્યા છે જ્યારે સૌથી વધુ રસી આજે સુરતમાં 35917 વ્યક્તિઓને આપવામાં આવી છે. આ રસીના કારણે રાજ્યમાં કોરોનાની બીજી લહેર સામે વિજય મેળવવામાં મદદ મળી રહી છે. સ્થિતિ સુધરતા ગુજરાતનો એક્ટિવ કેસનો દર 98.36 ટકાએ પહોંચી ગયો છે. પ્રતિકાત્મક તસવીર