Gujarat Corona Update: ગુજરાતમાં કોરોના કેસમાં સતત વધારો, જાણો કયાં કેટલા કેસ નોંધાયા

Gujarat Corona Update: દેશમાં કોરોનાના કેસ (Corona Cases In India) ની સંખ્યા દિવસેને દિવસે સતત વધી રહી છે. ત્યારે ગુજરાતમાં પણ છેલ્લા 24 કલાકમાં કોરોનાવાયરસના નવા કેસમાં સતત વધારો નોંધાઇ રહ્યો છે. તમને જણાવી દઈએ કે, ત્રણ મહિના પછી ગુજરાતમાં સતત કોરોના કેસ વધી રહ્યા છે. રાજ્યમાં છેલ્લા પાંચ દિવસથી સતત 100થી વધુ કેસ નોંધાઇ રહ્યા છે. રાજ્યમાં 12 જૂનની સાંજે કોરોના વાયરસના નવા કેસની (Gujarat Covid Cases on 12-06-2022) સ્થિતિ જોતા એક્ટિવ કેસનો આંકડો (gujarat Coronavirus Cases) સતત વધી રહ્યો છે. રાજ્યમાં કોરોના કેસનો એક્ટિવ આંકડો 750 ને પાર પહોંચી ગયો છે. રાજ્યમાં આજે 12 જૂનની સાંજે કોરોના વાયરસના નવા 140 કેસ નોંધાયા છે. જોકે રાજ્યમાં આજે અમદાવાદ શહેરમાં સૌથી વધુ 81 કેસ નોંધાયા છે.

રાજ્યમાં આજે 12 જૂનની સંધ્યાએ અમદાવાદ શહેરમાં સૌથી વધુ અમદાવાદમાં 81, વડોદરામાં 21 કેસ, સુરતમાં 13, ગાંધીનગરમાં 6, રાજકોટમાં 3 કેસ, કચ્છ-સાબરકાંઠામાં 3-3 કેસ, ભાવનગર, ગીરસોમનાથમાં 2-2 કેસ, ખેડા, પાટણ, અમરેલીમાં 1-1 કેસ કેસ નોંધાયા છે. રાજ્યમાં કુલ 140 નવા કેસ નોંધાયા છે. આ ઉપરાંત રાજ્યના કોઈ પણ શહેર જિલ્લામાં કોરોનાના એક પણ નવા કેસ નોંધાયા નથી.

રાજ્યમાં આજે 12 જૂનની સાંજે કુલ 66 દર્દીઓ સાજા થતા તેમને રજા આપવામાં આવી છે. જેમાંથી અમદાવાદ શહેરમાં સૌથી વધુ 42 દર્દીઓ સાજા થયા છે. ત્યાં જ વડોદરા કોર્પોરેશનમાં 08, સુરત કોર્પોરેશનમાં 02, રાજકોટ કોર્પોરેશન 04, તાપીમાં 03, ગાંધીનગર કોર્પોરેશનમાં 01, મહેસાણામાં 02, ગાંધીનગર કોર્પોરેશન, આણંદ, દાહોદ, મોરબી 01-01 દર્દીઓ સાજા થયા છે.

રાજ્યમાં આજે સાંજ સુધીમાં કુલ 6,679 વ્યક્તિઓનું રસીકરણ થયું છે. રાજ્યમાં રસીકરણનો કુલ આંકડો વધી રહ્યો છે. રાજ્યમાં અત્યારસુધીમાં 11,05,18,230 ડોઝ આપવામાં આવ્યા છે.

રાજ્યમાં આજે એક્ટિવ કેસનો આંકડો 750ની ઉપર પહોંચી ગયો છે, રાજ્યમાં આજની તારીખમાં 778 એક્ટિવ કેસ છે. ત્યાં જ રાજ્યમાં કુલ 00 દર્દી વેન્ટિલેટર પર છે. રાજ્યમાં કુલ 778 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,14,529 છે. આ ઉપરાંત રાજ્યમાં મૃત્યુની સંખ્યા 10,945 છે.