અમદાવાદઃ અરજીની તપાસમાં કોન્સ્ટેબલને 'તોડ' કરવો ભારે પડ્યો, 3 પેસેન્જરો પાસેથી માગ્યા હતા રૂ.1500

અમદાવાદ: સરકારી વિભાગોમાં ભ્રષ્ટાચારનું (Corruption) પ્રમાણ ઓછું થાય તે માટે એન્ટી કરપશન બ્યુરો (Anti-Corruption Bureau) દ્વારા અનેક  પ્રયત્નો કરવામાં આવી રહ્યા છે. છતાં કેટલાક સરકારી બાબુ ઓ છે કે જે હજી પણ સુધારવાનું નામ નથી લઈ રહ્યા હોય તેમ લાગી રહ્યું છે અને લાંચ લેતા પકડાય છે. આજે એ સી બી એ એક કોન્સ્ટેબલ અને હોમગાર્ડના (Constable and Homeguard) જવાનને લાંચ લેતા ઝડપી લીધા છે.

બાકી લેણાંની રકમ પરતના આપતા એસીબીના ફરિયાદી એ ખાડિયા પોલીસ સ્ટેશનમાં (Khadiya police station) એક વ્યક્તિ વિરુદ્ધ માં અરજી કરી હતી. જે અરજી ની તપાસ ખાડીયા પોલીસ સ્ટેશનની માણેક ચોક પોલીસ ચોકીમાં સોંપેલ હતી.

જ્યારે અરજી તપાસ કરવા માટે ચોંકીમાં ફરજ બજાવતા પોલીસ કોન્સ્ટેબલ જયેન્દ્રસિંહ મોહનસિંહ ચૌહાણએ ફરિયાદી પાસે રૂપિયા 5100ની લાંચની માંગણી કરેલ હતી. જે લાંચની રકમ ફરિયાદીને આપવી ના હોવાથી તેઓએ એન્ટી કરપ્શન બ્યુરોનો સંપર્ક કર્યો હતો.

એન્ટી કરપ્શન બ્યુરો દ્વારા સમગ્ર મામલે એક છટકું ગોઠવ્યું હતું. એસીબીએ ગોઠવેલ લાંચના છટકામાં આરોપી ફરીયાદી પાસેથી રૂપિયા 5100 ની લાંચની માંગણીની રકમ પોલીસ ચોકીમાં સ્વીકારી તેના સહકર્મચારી હોમગાર્ડ સાહીલ સલીમભાઇ મિર્ઝા ને લાંચની રકમ આપી દઇ એકબીજાની મદદગારી કરેલ હોય બંને આરોપીઓને એસીબીએ ડીટેઇન કરેલ છે.

જો કે સિવાય પણ બીજા કિસ્સા માં એ સી બી એ ડીકોય ટ્રેપ કરીને રેલ્વે અમદાવાદ ડિવિઝન માં ફરજ બજાવતા  ડેપ્યુટી ચીફ ટિકિટ ઇન્સ્પેકટર કમલેશ શર્મા અને આસી. હેલ્પર રૂપેશગીરી ગોસ્વામીને ટિકિટના લેવા બદલ પેસેન્જર સામે કાયદેસરની કાર્યવાહી કરવાને બદલે ત્રણ પેસેન્જર પાસેથી રૂપિયા 1500 લેતા રંગેહાથ ઝડપી લીધા છે. હાલમાં એસીબીએ આં તમામ આરોપીઓ સામે કાયદેસરની કાર્યવાહી કરી છે.