Ahmedabad: શ્રીનાથજીના સ્વરૂપને રજૂ કરતી સૌથી મોંઘી પિચવાઈ પ્રદર્શનમાં મુકાઈ; 6 લાખ સુધીની હોય છે કિંમત
અમદાવાદમાં આવેલી આર્ચર આર્ટ ગેલેરી ખાતે આ પખવાડિયામાં ભગવાન કૃષ્ણના (Krishna) ભવ્ય ચિત્રણના પિચવાઈ રજૂ કરવામાં આવી છે. પિચવાઈને મંદિરોમાં દેવતાની મૂર્તિ પાછળ લટકાવવામાં આવે છે.
Parth patel, Ahmedabad:અમદાવાદમાં આર્ચર આર્ટ ગેલેરી (Archer Art Gallery) ખાતે એક આર્ટ એક્ઝિબિશન ગેલેરી આવેલી છે. જેમાં કલાકારોને તેમના આર્ટ વર્ક (Art Work) પ્રદર્શિત કરવા માટે સ્થાન આપવામાં છે. ત્યાં મુલાકાતીઓ મુલાકાત લેવા માટે દૂર દૂરથી આ આર્ટ ગેલેરીમાં આવે છે. પ્રદર્શન ગેલેરીમાં (Exhibition Gallery) માસિક દેશભરના કલાકારો તેમજ આંતરરાષ્ટ્રીય કલાકારોના કલા પ્રદર્શનો યોજાય છે.
પિચવાઈનો શાબ્દિક અર્થ થાય છે પાછળથી લટકાવવું. રાજસ્થાનના શ્રીનાથ દ્વારા મંદિરમાં 17મી સદીમાં ઉભરી આવતી પરંપરાગત કળામાં પિચવાઈ એ શ્રીનાથજીને (Srinathji) સમર્પિત જટિલ ચિત્રો છે. જે સામાન્ય રીતે સ્થાનિક મંદિરોમાં દેવતાની મૂર્તિ પાછળ લટકાવવામાં આવે છે. પિચવાઈ એ ચિત્રની (Picture) એક શૈલી છે. કપડાં પર બનાવેલા જટિલ અને અદભૂત પિચવાઈ ચિત્રો ભગવાન કૃષ્ણના જીવનની વાર્તાઓ (Story) દર્શાવે છે.
આ પ્રકારનું આર્ટ બનાવવા માટે સ્ટાર્ચવાળા કાપડ પર ચિત્રકાર (Painter) પહેલા રફ સ્કેચ બનાવે છે અને પછી રંગો ભરે છે. પહેલા પરંપરાગત રીતે ઘોડા, બકરી અથવા ખિસકોલીના વાળમાંથી (Hair) બનેલા કુદરતી રંગો અને પીંછીઓનો ઉપયોગ થતો હતો. પરંતુ હવે ઝડપી અને ઓછી ખર્ચાળ સામગ્રીએ તેનું સ્થાન લીધું છે. આ રંગો કોલસા, સોનું, ચાંદી, કેસર, જસત અને અન્ય કુદરતી સ્ત્રોતોમાંથી મેળવવામાં આવે છે. જેમાં પીળા, લીલા, કાળા, લાલ જેવા તેજસ્વી અને તીવ્ર (Bright and Intense) રંગો પિચવાઈ પર પ્રભુત્વ ધરાવે છે.
પિચવાઈ ચિત્રોમાં દર્શાવવામાં આવતી મુખ્ય છબી શ્રીનાથજીની છે. આ સાથે પિચવાઈમાં કૃષ્ણના અન્ય સ્વરૂપો (Forms) પણ દર્શાવવામાં આવ્યા છે. આ ઉપરાંત પિચવાઈને દિવસની ઋતુ, તહેવાર અને ધાર્મિક વિધિઓ અનુસાર ડિઝાઇન (Design) કરવામાં આવે છે. જેમાં શણગાર, લાગણીઓ, મૂડ, સંગીત, ખોરાક, નૃત્યનું પ્રદર્શન તથા તહેવારોમાં ગોવર્ધન પૂજા, શરદ પૂર્ણિમા, રાસલીલા, હોળી જેવા તહેવારો (Festivals) અને ઉપયોગમાં લેવાતી વસ્તુઓ પર આબેહૂબ વિગત સાથે દર્શાવવામાં આવે છે.
આ બધા ચિત્રો શ્રીનાથજીના અલગ અલગ સ્વરૂપના દર્શનને (Darshan) રજૂ કરવામાં આવ્યા છે. આ એક્ઝિબિશનમાં કુલ 40 થી પણ વધારે પેઈન્ટિંગ રાખવામાં આવ્યા છે. આ પેઈન્ટિંગને (Painting) કાપડ પર સોનાની (Gold) સાથે પ્રાકૃતિક રંગોથી બનાવવામાં આવ્યા છે. આ એક્ઝિબિશનમાં કેટલાક પિચવાઈને કાપડ પર ગોલ્ડના આર્ટ સાથે ખાસ પેઈન્ટિંગ બનાવ્યા છે. આ પેઈન્ટિંગની કિંમત 9000 રૂપિયાથી શરૂ કરી 6,00,000 રૂપિયા સુધીની છે.