અમદાવાદ: AMCનો સપાટો, Covid-19ના નિયમ ભંગ બદલ સેન્ટ્રલ મોલને સીલ કરાયો

પ્રણવ પટેલ, સુરત : કોરોનાએ શહેર, રાજ્ય, દેશ સહિત પૂરા વિશ્વમાં હાહાકાર મચાવ્યો છે, દેશભરમાં રોજે રોજ કોરોના કેસમાં સતત વધારો થઈ રહ્યો છે. લોકડાઉનમાં છૂટ આપ્યા બાદ સરકારે કોરોના સંક્રમણ વધે નહીં તે માટે ગાઈડલાઈન જાહેર કરી હતી, જેનું પાલન કરવા માટે દરેકને અપીલ કરવામાં આવી છે. પરંતુ હજુ પણ કેટલાક સ્થળે બેદરકારી રાખી નિયમોનો ખુલ્લેઆમ ભંગ કરવામાં આવે છે.

આજે અમદાવાદ શહેરમાં મહાનગર પાલિકા દ્વારા આવા અનેક સ્થળો પર સપાટો બોલાવવામાં આવ્યો છે. જે જગ્યા પર લોકોની વધારે અવર જવર રહે છે તેવા કેટલાક મોલ પર એએમસી દ્વારા રેડ કરવામાં આવી હતી. ગાઈડલાઈનનું પાલન ન કરનાર યુનિટોને સીલ મારવામાં આવ્યા છે.

પ્રાપ્ત માહિતી અનુસાર, એએમસી સોલિડ વેસ્ટ વિભાગ સપાટો બોલાવ્યો છે. કોવિડ -૧૯ મહામારીની જાહેર કરાયેલ ગાઇડ લાઇનનો ભંગ બદલ અમરાઇવાડી સ્થિત સેન્ટ્રલ મોલ સીલ કરાયો છે. અહીં એએમસી ટીમ દ્વારા ચેકીંગ કરતા કોવિડ -૧૯ મહામારીમાં જાહેર કરાયેલ ગાઇડનો સદંતર મોલમાં અભાવ જોવા મળ્યો હતો.

મોલમાં આવેલા લોકો સોશિયલ ડિસ્ટન્સનો અભાવ જોવા મળ્યો હતો. તેમજ મોલમાં ચેન્જીગ રૂમ પણ કાર્યક્રમ જોવા મળ્યો હતો. મોલ તરફથી કોવિડ - ૧૯ ગાઇડ લાઇનનું પાલન જ કરવામાં આવી રહ્યું ન હતુ, જેને પગલે એએમસી ટીમ દ્વારા મોલ સીલ કરાયો હતો.