Ambaji Darshan Timings: 1 ફેબ્રુઆરીથી અંબાજી દર્શન કરવા માટે બુકિંગ ફરજિયાત, જાણો નવી ગાઇડલાઇન

Ambaji Darshan Timings: દેશમાં કોરોના વાયરસ (Coronavirus)ની સ્થિતિને ધ્યાનમાં રાખીને નિયંત્રણો મૂકવામાં આવ્યા છે. દરમિયાન ગુજરાત સરકારે મૂકેલા નિયંત્રણ અંતર્ગત 31મી જાન્યુઆરી જાન્યુઆરી સુધી અંબાજી મંદિર (Ambaji Temple Darshan) બંધ રાખવામાં આવ્યા હતા. જોકે, 28મી જાન્યુઆરીના નિયંત્રણો 28મી ફેબ્રુઆરી સુધી લંબાવવામાં આવતા નવા નિયમો લાગું થયા છે. આ સ્થિતિને જોતા અંબાજી મંદિરમાં દર્શન (Ambaji Temple Darshan Timings) કરવા માટે એડવાન્સ બુકિંગ કરાવવું ફરજિયાત કરવામાં આવ્યું છે .

<br />1 ફેબ્રુઆરીથી અંબાજી મંદરિમાં દર્શનનો સમય (Ambaji Temple Darshan Timings) આ મુજબ રહેશે. યાત્રાળુઓએ સવારે 7.30થી 11.30, બપોરે 12.30થી 4.15 અને સાંજે 7.00થી 9.00 કલાક સુધી દર્શન કરી શકશે. 18 વર્ષથી ઉરપરના તમામ દર્શનાર્થીઓએ ફરજિયાત ઓનલાઇન બુકિંગ કરાવવાનું રહેશે.

અંબાજી મંદિરનું બુકિંગ દેવસ્થાન ટ્રસ્ટની વેબસાઇટ www.ambajitemplebooking.in અથવા www.ambajitemple.inપરથી દરેક દર્શનાર્થીઓએ બુકિંગ કરાવવાનું રહેશે. બુકિંગ કરાવનાર દર્શનાર્થીઓએ દર્શન કરવાના હોય તેની તારીખ નાખવાની રહેશે. ઓનલાઇન દર્શન ટાઇમ અને સ્લોટ મુજબ નાખવાના રહેશે અને યાત્રિકે પોતાનું નામ, મોબાઇલ નંબર, ઈમેલ આઈડી, પ્રફુ જેવી વિગતો ભરવાની રહેશે.

આ વિગતો ભરાઈ ગયા બાદ વેક્સિનના બંને ડોઝ લીધા અંગેનું સર્ટિફિકેટ ફરજિયાત અપલોડ કરવાનું રહેશે. સફળતાપૂર્વક બુકિંગ થયા બાદ મંદિર તરફથી ઈમેલ પર પીડીએફ પ્રાપ્ત થશે. તેની સોફ્ટકોપી અથવા હાર્ડ કોપી દર્શન પ્રવેશ દ્વારા પર રજૂ કરવાની રહેશે.

18 વર્ષથી ઉપરના વ્યક્તિએ જેમણે કોરોના રસીના બંને ડોઝ લીધા હશે તેમને જ દર્શન માટે બુકિંગથી પ્રવેશ મળશે.દર્શન વખતે માસ્ક પહેરવું ફરજિયાત છે. દરેક વ્યક્તિએ વ્યક્તિગત બુકિંગ કરવાવાનું રહેશે જેમાં કેટલી વ્યક્તિ આવી રહી છે તેની માહિતી આપવાની રહેશે.

15-18 વર્ષના સગીરોએ વેક્સિનનો પ્રથમ ડોઝ લીધાનું સર્ટિફિકેટ રજૂ કરવાનું રહેશે. દર કલાકના સ્લોટમાં વધુમાં વધુ 150 યાત્રિકો જ પ્રવેશ મેળવી શકશે. 15 વર્ષથી નાના સગીરો તેમજ બાળકોને તાપમાન ચકાસીને પ્રવેશ આપવામાં આવશે. 65 વર્ષથી વધુ ઉંમરના સિનીયર સિટીઝન્સ અને દિવ્યાંગો અને નાના બાળકો ઘરેથી ઓનલાઇન દર્શન કરે તેવું પણ હિતાવહ છે.