અમદાવાદના પોલીસકર્મીએ પત્ની અને બાળકી સાથે કર્યો આપઘાત, પોલીસની પ્રાથમિક તપાસમાં ખૂલ્યું ચોંકાવનારું કારણ

Ahmedabad News: અમદાવાદ: શહેરના ગોતા વિસ્તારમાં પોલીસકર્મીએ પરિવારે સાથે આપઘાત કરી લેતા ચકચાર મચી ગઇ છે. ગોતા વિસ્તારમાં આવેલા દીવા હાઇટ્સમાં રહેતા પરિવારે મોડી રાતે આપઘાત કરી લીધો છે. પોલીસકર્મી કુલદિપસિંહ યાદવ વસ્ત્રાપુરમાં ફરજ બજાવતા હતા. તેમણે પોતાની પત્ની અને 3 વર્ષની બાળકી સાથે ફ્લેટના 12મા માળેથી ઝંપલાવીને આપઘાત કર્યો છે. હાલ સ્થાનિક પોલીસ આ અંગે તપાસ હાથ ધરી રહી છે. તેમના મૃતદેહને પોસ્ટમોર્ટમ માટે મોકલી દેવામાં આવ્યો છે. આ આપઘાત બાદ તેમના ઘરમાંથી કોઇ જ અંતિમ ચિઠ્ઠી મળી નથી. પોલીસની પ્રાથમિક તપાસમાં સામે આવ્યુ છે કે, પતિ અને પત્નીને અવારનવાર ઝઘડા થતા હતા. અચાનક પરિવારે ભરેલા આ અંતિમ પગલાને કારણે તેમના સંબંધીઓ અને આસપાસ રહેતા લોકોમાં શોકનો માહોલ છવાયો છે. કુલદિપસિંહ યાદવની બાજુમાં જ તેમના બેન અને બનેવી રહે છે.

આ કરૂણ ઘટના અંગે દિવા હાઇટ્સમાં રહેતા કાંતિભાઇ મેવાળાએ જણાવ્યુ કે, આ પરિવાર આશરે બેથી ત્રણ વર્ષથી અહીં રહેતો હતો. મંગળવારે રાતે 1.13 મિનિટે પહેલા મહિલા નીચે પડ્યા જેની દસેક સેકન્ડ બાદ બાળકીને સાથે રાખીને પોલીસકર્મી પણ પળ્યા હતા.

તેમણે વધુમાં જણાવ્યુ કે, રાતે બે વાગે ચોકીદાર જગાડવા આવ્યો અને તેણે જણાવ્યુ કે, નીચે ત્રણ લાશો પડી છે. નોંધનીય છે કે, હાલ સ્થાનિક પોલીસ આ અંગે તપાસ કરી રહી છે. ત્યાના રહીશો અને પરિવારના સંબંધીઓ સાથે પણ પૂછપરછ કરવામાં આવી રહી છે.

મોડી રાતે પરિવારે સાથે આપઘાત કર્યાના સમાચાર મળ્યા બાદ પોલીસે આ અંગે વધુ તપાસ હાથ ધરી હતી. જેમાં પોલીસને કુલદીપસિંહના ઘરમાંથી કોઇ અંતિમ ચિઠ્ઠી કે કાંઇ જ વાંઘાજનક મળી આવ્યુ નથી.

જેથી પરિવારે કેમ આપઘાત કર્યો તેનું ચોક્કસ કારણ સામે આવ્યુ નથી. જેથી પોલીસ હાલ તેમના પરિવાર અને સાથે કરતા અન્ય પોલીસ કર્મીઓની પણ પૂછપરછ કરી રહી છે.

જોકે, સહકર્મીઓના જણાવ્યા પ્રમાણે, વસ્ત્રાપુર પોલીસ સ્ટેશનમાં એકાઉન્ટન્ટ વિભાગમાં કામ કરતા પોલીસકર્મી કુલદીપસિંહ શાંત સ્વભાવના હતા.

તેઓ વર્ષ 2016થી પોલીસ ખાતામાં ફરજ બજાવતા હતા. તેઓ પોતાનું કામ ખંતપૂર્વક કરતા હતા. પૂછપરછમાં એવી પણ માહિતી મળી હતી કે, તેમણે થોડા જ દિવસ પહેલા સહકર્મીને એક એવો પણ મેસેજ કર્યો હતો કે, તે પરિવાર સાથે ખુસ છે. જેથી પોલીસ તેમના મોબાઇલની ચેટિંગની પણ તપાસ કરી રહી છે.

જોકે, પોલીસ આ અંગે તપાસ કરી રહી છે કે મૂળ સિંહોરના અને શાંત સ્વભાવના વ્યક્તિએ પરિવાર સાથે આપઘાત કેમ કર્યો. કુલદીપસિંહ યાદવ દીવા હાઇટ્સના 1201 નંબરના ઘરમાં રહેતા હતા.

તેમના ઘરની બાજુમાં જ તેમના બેન અને બનેવી પણ રહે છે.

આ અંગે તેમના પરિવારને પણ કાંઇ જાણ નથી કે તેમણે આ અંતિમ પગલું કેમ ભર્યુ? હાલ કુલદીપસિંહના આખા પરિવારમાં માતમનો માહોલ છવાયો છે.

પોલીસકર્મીના ઘરની તસવીર.