ઉનાળાની શરૂઆતમાં શાકભાજીના ભાવ આસમાને, લીંબુ 100 રૂ. કિલો થયા, હજી વધવાની આશંકા

વિભુ પટેલ, અમદાવાદ : રોજ બરોજ મોંઘવારી વધી રહી છે. જીવન જરૂરિયાતની તમામ ચીજ વસ્તુઓના ભાવ વધી રહ્યા છે . હવે તો ઉનાળાની શરૂ થતાં જ શાકભાજીના ભાવ કૂદકેને ભૂસકે વધી રહ્યા છે. ઉનાળામાં લીંબુની માંગ વધતા એક સપ્તાહમાં ભાવ આસમાને પહોંચ્યા છે. એક સપ્તાહ પહેલા લિબુના ભાવ હોલસેલમાં 20 કિલોના 1000 હજાર રૂપિયા હતા.જે વધીને હોલસેલમાં 1300 રૂપિયા થયા છે. એટલે કે હોલસેલ કરતા રિટેલમાં ભાવ વધારે હોય છે. રિટેલમાં એક કિલો લીંબુનો ભાવ 100 રૂપિયા થયો છે.અને જેમ જેમ ઉનાળાની સિઝન આગળ વધશે તેમ ભાવ વધવાની પણ શકયતા છે.

લીંબુ સિવાય અન્ય શાકભાજીના ભાવ પણ ઊંચા છે. હોલસેલમાં ગવારના ભાવ 130 રૂપિયા છે તો. ચોરીના એક કિલોના 100 રૂપિયા છે. તુરિયાના ભાવ 45 રૂપિયા છે. રીંગણાં 36, કોબી 40  સહિતના ભાવ આસમાને છે.

ત્યારે વેપારીઓએ ન્યૂઝ18ગુજરાતી સાથે વાત કરતા જણાવ્યું હતું કે, સિઝન વગરના શાકભાજી છે તેના ભાવ 120થી 130 રૂપિયે કિલો થયા છે.

જોકે શાકભાજી ખરીદવા માટે આવતા ગ્રાહકોએ ન્યુઝ 18 ગુજરાતી સાથે વાત કરતા જણાવ્યું હતું કે, પેટ્રોલ ડીઝલના ભાવ વધી રહ્યા છે તેની અસર ટ્રાન્સપોર્ટ પર થઈ રહી છે. અને તમામ ચીજ વસ્તુના ભાવ પર વધી રહ્યા છે.અત્યારે શાકભાજીના ભાવ વધી રહ્યા છે. શિયાળામાં 30 રૂપિયાના 500 ગ્રામ લીંબુ મળતા હતા આજે 50 રૂપિયા થઈ ગયા છે અને ધીમે ધીમે ભાવ વધી રહ્યા છે.

અન્ય એક ગ્રાહકે જણાવ્યું કે, શાકભાજીના ભાવ આ રીતે વધશે તો ગૃહીણીઓનું બજેટ ખોરવાઇ જશે. વધારે ભાવ આપીને શાકભાજી ખરીદવાનો વારો આવશે.