Mumbai Ahmedabad highway accident: મુંબઈ-અમદાવાદ હાઇવે પર અકસ્માત: NRIને એરપોર્ટ પર મૂકવા જતાં કારમાં સવાર 4નાં મોત

અમદાવાદ: મુંબઈ-અમદાવાદ હાઈવે પર ગમખ્વાર અકસ્માત સર્જાયો હતો. મધરાત્રે હાઇવે ઉપર આવેલા ચારોટી જંકશન પાસેના કાસા ગામની સીમમાં ગમખ્વાર અકસ્માત સર્જાયો હતો. સુરત જિલ્લાના બારડોલીના NRI પરિવારને અકસ્માત નડ્યો હતો. લંડન જવા માટે નીકળેલા મૂળ બારડોલીના બે એનઆરઆઇને એરપોર્ટ ઉપર મુકવા જઇ રહેલી સ્કોડા કારને અકસ્માત નડ્યો હતો. ગંભીર અકસ્માત નડતા કારમાં સવાર 4નાં ઘટના સ્થળે કમકમાટી ભર્યા મોત નિપજ્યા હતા. બારડોલીના વ્હોરવાડ વિસ્તારમાં સગાસબંધીઓ સહિત મુસ્લિમ સમાજના ટોળા ઉમટ્યા હતા.

મંગળવારે વહેલી સવારે ચારોટી જંકશન પાસેના કાસા ગામની સીમમાં મુંબઈ-અમદાવાદ હાઈવે પર ગુજરાતથી આવતી એક કાર બસ સાથે અથડાતાં 4 લોકોના મોત થયા હતા. કાર મુંબઈ તરફ જઈ રહી હતી અને ચારેય લોકોના ઘટનાસ્થળે જ મોત થયા હતા.

અકસ્માતમાં કારનો કચ્ચરઘાણ વળી ગયો હતો. પાલઘર પોલીસે જણાવ્યું કે કારચાલકે વાહન પરથી કાબૂ ગુમાવતાં બસ સાથે અથડાઈ હતી.

કાર અને બસ વચ્ચે થયો હતો ગમખ્વાર અકસ્માત

કાર ગુજરાતથી મુંબઈ તરફ જઈ રહી હતી