31st december પહેલા જ અમદાવાદમાંથી દારૂની હાઈફાઈ બ્રાન્ડની બોટલો પકડાઈ, જો આવો દારૂ પીધો તો....

અમદાવાદ: 31મી ડિસેમ્બર (31st december) એટલે કેટલાક લોકો માટે શરાબ શબાબ અને કબાબનો માહોલ. 31મીની પાર્ટીઓમાં (31st party) દારૂ પીનારો વર્ગ પણ હોય છે. આ વર્ગના લોકો જે બૂટલેગર (bootleggers) પાસેથી દારૂ લાવે છે તે બૂટલેગરો એ પણ હવે મિક્સિંગ શરૂ કરી દીધું છે. પણ પોલીસની (police) જાગૃતતા થી આવા બુટલેગરનો પર્દાફાશ થઈ ગયો છે.

મળતી માહિતી પ્રમાણે અમદાવાદના વાડજ પોલીસે (vadaj police) બાતમી આધારે એક રેડ કરી હતી. જેમાં પોલીસને હાઇફાઈ બ્રાન્ડનો દારૂ (HiFi brand liquor bottle) સાથે જ કેટલીક પ્રવાહી દવાઓ અને ટેબ્લેટ દવાઓ પણ મળી હતી. આ દવાઓ દારૂમાં ભેળવી લોકોને મિક્સિંગ વાળો દારૂ અપાતો હતો કે કેમ તે ખરાઈ કરવા પોલીસે એફ.એસ.એલની (FSL) પણ મદદ લીધી છે. (બૂટલેગર નિલેશ રાઠોડની તસવીર)

પોલીસે કબ્જે કરેલો દારૂનો જથ્થો દેખાય છે એમ જ હાઇફાઈ બ્રાન્ડ છે. પણ સાથે સાથે અહીંથી બોટલને લગાવાતા ઢાંકણા, ખાલી બોટલો પણ મળી આવી હતી. જેના પરથી પોલીસ પણ માની શકાય છે કે આ જે બુટલેગર નો દારૂનો જથ્થો છે તે મિક્સિંગ કરી ડુપ્લીકેટ દારૂ વેચતો હોઈ શકે છે.

વાડજ પોલીસસ્ટેશનના સિનિયર પીઆઇ બી એલ વડુકરએ જણાવ્યું કે પોલીસે આ રેવા હાઉસિંગના મકાનમાં દારૂનો જથ્થો હોવાની માહિતી પર રેડ કરી હતી. બુટલેગર ન હોવાથી પોલીસે તાળું તોડી રેડ કરી અને 78 બોટલ કબ્જે કરી છે.

પણ આરોપી નિલેશ રાઠોડ ફરાર છે. આરોપી કેટલા સમયથી દારૂનો ધંધો કરે છે અને કેવી રીતે ડુપ્લીકેટ કરતો હતો તે તપાસ શરૂ કરાઇ છે. 31મી ડિસેમ્બર આવતા જ બૂટલેગરો બેફામ બન્યા છે. ઉચ્ચ ક્વોલિટીની બ્રાન્ડની જગ્યાએ હવે ડુપ્લીકેટ દારૂ વેચવાનું શરૂ કર્યું છે.

આ વખતે નાઈટ કરફ્યુના લીધે પાર્ટીઓ ન થવાની હોવાથી લોકોમાં પણ પોલીસનો ડર છે. જેથી દારૂ ઓછો વેચાશે તેવી દહેશતથી બુટલેગરોએ ડુપ્લિકેશન શરૂ કરી લોકોને ઉંચા ભાવે ડુપ્લીકેટ દારૂ વેચવાનો કીમિયો અપનાવ્યો હોવાનું મનાઈ રહ્યું છે.