24 કલાકમાં રાજ્યમાં Coronaના 1372 નવા કેસ, 1289 દર્દી સાજા થયા, 15 દર્દીનાં મોત

રાજ્યમાં 23મી સપ્ટેમ્બરે કોરોના વાયરસના 1372 નવા કેસ પોઝિટિવ (23 September Gujarat corona cases) નોંધાયા છે, જ્યારે 1289 દર્દીઓ સાજા થતા તંત્રએ રાહતનો શ્વાસ લીધો છે. 24 કલાક દરમિયાન રાજ્યના જુદા જુદા વિસ્તારોમાં કોરોના વાયરસના (gujarat covid deaths) 15 દર્દીનાં મોત થયા છે. દરમિયાન રાજ્યમાં પોઝિટિવ કેસનો આંકડો ને 1,17,709 એ પહોંચી ગયો છે.

રાજ્યમાં 24 કલાક દરમિયાન સુરતમાં 294, અમદાવાદમાં 185, રાજકોટમાં 141, વડોદરામાં 134, જામનગરમાં 94, બનાસકાંઠામાં 51, મહેસાણામાં 45, અમરેલી, કચ્છ, પંમહાલમાં 27-27, મોરબીમાં 26, ભરૂચ, પાટણ, સુરેન્દ્રનગરમાં 22-22, ગાંધીનગરમાં 38, ભાવનગરમાં 37, જૂનાગઢમાં 38, સાબરકાંઠામાં 18 કેસ નોંધાયા છે.

જ્યારે ખેડામાં 14, ગીરસોમનાથ, મહીસાગરમાં 13-13, દાહોદમાં 12, નર્મગદામાં 11, બોટાદમાં 9, અરવલ્લી, દેવભૂમિ દ્વારકામાં 8-8, આણંદ-પોરબંદરમાં 7-7, તાપી-વલસાડમાં 7-7, છોટાઉદેપુરમાં 5 અને નવસારીમાં 3 કેસ નોંધાયા છે.

દરમિયાન 24 કલાકમાં અમદાવાદમાં 3, સુરતમાં 4, રાજકોટમાં 2, વડોદરામાં 2, ભાવનગરમાં 2, મોરબીમાં 1, મળીને કુલ 15 દર્દીના મોત થયા છે. આ સાથે મૃત્યુનો આંકડો3370 પર પહોંચ્યો છે.

રાજ્યમાં હાલમાં કુલ 16470 દર્દીઓ એક્ટિવ છે, આ પૈકીના કુલ 86 દર્દી વેન્ટીલેટર પર છે જ્યારે 16384 દર્દી સ્ટેબલ છે. રાજ્યમાંથી અત્યારસુધીમાં 1,07,701 દર્દીઓ ડિસ્ચાર્જ થયા છે. આજે રાજ્યમાં 61,907 ટેસ્ટ થયા છે અને રાજ્યનો રિકવરી દર 84.44 ટકા થયો છે.