અમદાવાદઃ કંપનીના ડાયરેક્ટરને રક્ષાબંધને દિલ્હી ફરવા જવું ભારે પડ્યું, તસ્કરોએ ઘરમાં કરી 20 લાખની ચોરી

ઋત્વીજ સોની, અમદાવાદઃ અમદાવાદમાં (Ahmedabad news) ફરી એક વખત લાખો રૂપિયાની ઘરફોડની ચોરીનો બનાવ બન્યો છે. ઉસ્માનપુરા (Usmanpura) વિસ્તારમાં રહેતો પરિવાર રક્ષાબંધનની (Rakshabandhan) ઉજવણી કરવા દિલ્હી (delhi news) ગયો અને ઘરમાં ખાતર પાડયું. પંચશીલ સોસાયટીના એક મકાનમાં 20 લાખની ચોરીનો બનાવ સામે આવ્યો. જો કે પોલીસે ફરિયાદ નોંધી વધુ તપાસ કરી રહ્યા છે.

શહેરના નવરંગપુરા વિસ્તારમાં રહેતા ખાનગી કંપનીના ડાયરેક્ટરના ઘરને તસ્કરોએ ટાર્ગેટ બનાવ્યો. પરિવારની ગેરહાજરીમાં રીક્ષા લઈ આવેલા તસ્કરોએ ઘરમાં બારીની ગ્રીલ તોડીને 20 લાખ રોકડા ચોરી કરી ફરાર થઈ ગયા હતા.

બનાવની વાત કરીએ તો ઉસ્માનપુરા વિસ્તારમાં આવેલ પંચશીલ સોસાયટીના બંગલો નંબર 40માં 27 ઓગસ્ટના રોજ ચોરીનો બનાવ બન્યો. પરિવારજ્યારે રક્ષાબંધન તહેવાર નિમિતે દિલ્હી ફરવા ગયો અને ઘરમાં તસ્કરો ઘરમાં હાથ ફેરો કરી ગયા.

જોકે પરિવારને આ બનાવ અંગેની જાણ થતાં પોલીસનો સંપર્ક કરવામાં આવ્યો અને પોલીસે તાત્કાલિક ફરિયાદ નોંધી કાયદેસરની કાર્યવાહી શરૂ કરી. પોલીસને ઘટના અંગેના સીસીટીવી ફૂટેજ પણ હાથે લાગ્યા છે. જેમાં શકમંદ લાગતા બે અજાણ્યા ઇસમો સોસાયટીમાં પ્રવેશ કરે છે. અને ગણતરીના કલાકોમાં હાથફેરો કરી અને ચોરી કરેલ મુદ્દામાલ રિક્ષામાં લઈ ફરાર થઈ જાય છે.

હાલ તો વાડજ પોલીસે સીસીટીવી ફૂટેજના આધારે તપાસ શરૂ કરી છે. ત્યારે પોલીસને પણ આશંકા છે કે ચોરી કરનાર શખ્સો વિસ્તારથી પરિચિત હોઈ શકે છે અને કોઈ જાણભેદુ દ્વારા તમામ હકીકતો તસ્કરો સુધી પહોંચાડી હોઈ શકે છે. જો કે આરોપી પકડાયા બાદ તમામ હકીકત સામે આવી શકે છે.