રાજ્યમાં બારેમેઘ ખાંગા, પાણી ફરી વળતા 393 માર્ગો જળમગ્ન, જાણો તમારા જિલ્લાના કેટલા રોડ બંધ

રાજ્યમાં વરસી રહેલા અવિરત (17 august Gujarat rains updates) વરસાદના કારણે જુદા જુદા જિલ્લાના માર્ગો બંધ થયા છે. જેમાં માર્ગ મકાન વિભાગ હેઠળ આવતા રસ્તાઓનો સમાવેશ થાય છે. બારેમેઘ ખાંગા થવાના કારમે પાણી ફરી વળતા 393 માર્ગો જળમગ્ન (393 roads closed) થયા છે, ત્યારે જાણો તમારા જિલ્લાના કેટલા રોડ બંધ છે.

અતિવૃષ્ટીના કારણે માર્ગ મકાન વિભાગના સૌથી રસ્તા વાહન વ્યવહાર માટે દક્ષિણ ગુજરાતમાં બંધ છે. દ.ગુજરાતમાં નર્મદામાં 11, ભરૂચમાં 17, સુરતમાં 118, તાપીમાં 100, નવસારીમાં 53 રસ્તા બંધ થયા છે. જ્યારે વલસાડના 17, ડાંગના 11 રસ્તા બંધ થયા છે.

જ્યારે કચ્છમાં 10, વડોદરામાં 23, જૂનાગઢ અને પોરંદરના 7-7 અને ગીરસોમનાથના 3 રસ્તા બંધ કરવામાં આવ્યા છે. રાજ્યમાં ઠેકઠેકાણે વરસાદ વરસી રહ્યો છે. આગામી 20 ઑગસ્ટ સુધી વરસાગી માહોલની આગાહી છે.

હવામાન વિભાગ દ્વારા ગુજરાતના કયા કયા જિલ્લામાં કેવો વરસાદ પડશે તેની પણ માહિતી આપવામાં આવી છે. હવામાન વિભાગની આગાહી પ્રમાણે 20મી ઓગસ્ટ સુધીમાં ગુજરાતનાં અનેક વિસ્તારોમાં ભારેથી અતિભારે વરસાદની આગાહી છે. આ આગાહીને કારણે તંત્ર પણ એલર્ટ થયુ છે. નદી કિનારાના વિસ્તારોને એલર્ટ કરાયા છે. ભારે વરસાદના પગલે પાણી ભરાતા હોય તેવો કોઝ-વે બંધ કરવા સૂચના પણ આપવામાં આવી છે

દરમિયાન દરિયો 17થી 20 ઓગસ્ટ તોફાની રહેવાની આગાહી કરવામાં આવી છે. હવામાન વિભાગની મતે સાંચબંદર, શિયાળબેટ, રાજપરામાં સૂચના અપાઈ છે. જાફરાબાદ બોટ એસોશિએશને તમામ બોટ લાંગરી દીધી છે.