સમલેંગિક મહિલા અંતરિક્ષ યાત્રીએ અવકાશમાંથી પૂર્વ પતિનું બૅંક ખાતું જોયું, NASA કરશે તપાસ

News18 Gujarati
Updated: August 25, 2019, 10:44 AM IST
સમલેંગિક મહિલા અંતરિક્ષ યાત્રીએ અવકાશમાંથી પૂર્વ પતિનું બૅંક ખાતું જોયું, NASA કરશે તપાસ
અંતરિક્ષ યાત્રી એની મૈકક્લેન સામે તેના પૂર્વ પતિએ ગંભીર ફરિયાદ નોંધાવી છે. (ફાઇલ તસવીર)

એની મૈકક્લેને ઇન્ટરનેશનલ સ્પેસ સ્ટેશન રહેવા દરમિયાન પૂર્વ પતિનું બૅંક ખાતું ઍક્સેસ કર્યુ હતું

  • Share this:
અંતરિક્ષ હજુ પણ પૃથ્વી પર વસતાં લોકો માટે અનેક રહસ્ય અને રોમાંચનો વિષય છે. સમગ્ર માનવ સભ્યતા તેને સમજવા અને જાણવાનો પ્રયાસમાં નિરંતર લાગેલી રહે છે. એક લાંબા સમયથી અંતરિક્ષ યાત્રી ત્યાંનો પ્રવાસ કરી રહ્યા છે. માણસ જ્યાં જાય છે ત્યાં પોતાની તમામ ઈચ્છાઓ અને દુષ્ટતા સાથે લઈ જાય છે. નાસા (NASA)ની સામે આવો જ એક મામલો આવ્યો છે જેમાં એક સમલેંગિક અંતરિક્ષ યાત્રી પર આરોપ છે કે તેણે આંતરરાષ્ટ્રીય અંતરિક્ષ સ્ટેશનથી પોતાના પૂર્વ પતિના બૅંક ખાતાને અનધિકૃત રીતે ઍક્સેસ કર્યુ. હાલ નાસા તેની તપાસ કરી રહી છે.

શું છે મામલો?

ન્યૂયોર્ક ટાઇમ્સના રિપોર્ટ મુજબ, અંતરિક્ષ યાત્રી એની મૈકક્લેન (Anne McClain)ના છૂટાછેડા લીધેલા પતિ સમર વોર્ડને તે જ્યારે નાસાના ઇન્ટરનેશનલ સ્પેસ સ્ટેશન (ISS)માં રહેતી હતી ત્યારે તેના ખાતાને ઍક્સેસ કરવાનો આરોપ લગાવ્યો છે. વોર્ડને મૈકક્લેનની વિરુદ્ધ ફેડરલ ટ્રેડ કમિશનમાં ફરિયાદ નોંધાવી હતી. રિપોર્ટ મુજબ, મૈકક્લેને બૅંક ખાતાને ઍક્સેસ કરવાની વાત સ્વીકારી લીધી છે, જોકે તેણે આ દરમિયાન કોઈ પણ ખોટું કામ કરવાનો ઇન્કાર કર્યો. નોંધનીય છે કે, એની મૈકક્લેન અને સમર વોર્ડન બંને સમલેંગિક છે.

અંતરિક્ષ યાત્રી મૈકક્લેને પોતાના વકીલ દ્વારા ન્યૂયોર્ક ટાઇમ્સને જણાવ્યું કે તે માત્ર એ સુનિશ્ચિત કરી રહી હતી કે પરિવારની આર્થિક સ્થિતિ ઠીક છે કે નહીં. શું વોર્ડનની પાસે દીકરાની સારસંભાળ કે બિલ ચૂકવવા માટે પૂરતા પૈસા છે? તેના વકીલ રસ્ટી હાર્ડિને કહ્યું કે, તેઓએ એ વાતનો ભારપૂર્વક ઇન્કાર કર્યો છે કે તેના દ્વારા કોઈ ખોટું પગલું ભરવામાં આવ્યું છે. સાથોસાથ હાર્ડિને જણાવ્યું કે તેમની અસીલ પરિવારને સહયોગ કરી રહી હતી.

2014માં થયા હતા લગ્ન

એની મૈકક્લેનના લગ્ન એરફોર્સના ઇન્ટેલિજન્સ વિભાગમાં અધિકારી વોર્ડન સાથે વર્ષ 2014માં થયા હતા. પરંતુ ચાર વર્ષ બાદ બંને વચ્ચે અણબનાવ સર્જાયો હતો. વર્ષ 2018માં વોર્ડને કોર્ટમાં છૂટાછેડા માટે અરજી કરી હતી. નાસાના ઓફિસ ઓફ ઇન્સ્પેક્ટર જનરલે જણાવ્યું કે આ મામલાની નિષ્પક્ષ તપાસ માટે બંને પક્ષો સાથે સંપર્ક કરવામાં આવી રહ્યો છે. જો આરોપ પુરવાર થાય છે તો તે અંતરિક્ષમાં કરવામાં આવેલો પહેલો અપરાધ હશે.ખાસ વાત એ છે કે માણસ જ્યારે અંતરિક્ષમાં કોઈ અપરાધ કરે છે તો તેના અપરાધ પર ધરતી પર લાગુ કાયદા હેઠળ જ ચુકાદો આપવામાં આવશે. એવામાં એની જો દોષી પુરવાર થાય છે તો તેને અમેરિકન ફેડરલ કાયદા મુજબ સજા ફટકારાઈ શકાય છે.

ખાસ વાત એ છે કે માણસ જ્યારે અંતરિક્ષમાં કોઈ અપરાધ કરે છે તો તેના અપરાધ પર ધરતી પર લાગુ કાયદા હેઠળ જ ચુકાદો આપવામાં આવશે. એવામાં એની જો દોષી પુરવાર થાય છે તો તેને અમેરિકન ફેડરલ કાયદા મુજબ સજા ફટકારાઈ શકાય છે.
First published: August 25, 2019
વધુ વાંચો
अगली ख़बर
corona virus btn
corona virus btn
Loading