ભારતની મોટી ફુટનીતિક જીત! મસુદ અઝહર પર પ્રતિબંધ મુકવા ફ્રાન્સ UNમાં લાવશે પ્રસ્તાવ

પુલવામા હુમલા પર ભારતને ફ્રાન્સ તરફથી જોરદાર સમર્થન મળ્યું છે. ફ્રાન્સ જૈશ એ મોહમ્મદના સરગના મસુદ અઝહરને વૈશ્વિક આતંકવાદી જાહેર કરવા માટે સંયુક્ત રાષ્ટ્રમાં પ્રસ્તાવ લઈને આવશે. તે આગામી બે દિવસમાં આવો પ્રસ્તાવ લાવી શકે છે. આ પ્રસ્તાવમાં તે મસુદ અઝહરને પ્રતિબંધ કરવાની માંગણી કરશે. ફ્રાન્સના સુત્રોના હવાલેથી એજન્સી પીટીઆઈએ આ સમાચાર આપ્યા છે.

એક વરિષ્ઠ ફ્રાન્સિસ સુત્રએ પીટીઆઈને કહ્યું છે કે સંયુક્ત રાષ્ટ્રમાં ફ્રાન્સ મસુદ અઝહરને આતંકીની યાદીમાં નાખવાનો પ્રસ્તાવ મુકશે. આ બે દિવસમાં થઈ જશે. ભારતના રાષ્ટ્રીય સુરક્ષા સલાહકાર અજીત ડોભાલ અને ફ્રાન્સના રાષ્ટ્રપતિના ફુટનીતિક સલાહકાર ફિલીપ ઇતિએને વચ્ચે મંગળવારે સવારે વાતચીત પછી આ નિર્ણય કરવામાં આવ્યો છે. આ દરમિયાન ફ્રાન્સીસ નેતાએ હુમલા પર સંવેદના વ્યક્ત કરી હતી.



આ પણ વાંચો - ઈમરાનને ભારતે આપ્યો કડક જવાબ - નવા પાકમાં આતંકીઓની સાથે જ દેખાય છે મંત્રી

જાણકારી પ્રમાણે પુલવામાં હુમલા પર ફ્રાન્સ ભારતની સાથે છે. જેને ભારતની મોટી ફુટનીતિક જીત માનવામાં આવે છે. ઉલ્લેખનીય છે કે મસુદ અઝહરના સંગઠન જૈશ એ મોહમ્મદે પુલવામામાં સીઆરપીએફના કાફલા પર થયેલા હુમલાની જવાબદારી લીધી હતી. જેમાં 40 જવાનો શહીદ થયા હતા.

સંયુક્ત રાષ્ટ્રમાં ફ્રાન્સ બીજી વખત આ પ્રસ્તાવ લાવી રહ્યું છે. આ પહેલા 2017માં પણ આ જ રીતનો એક પ્રસ્તાવ લાવવામાં આવ્યો હતો. ત્યારે અમેરિકા બ્રિટન અને ફ્રાન્સના સમર્થનમાં જૈશ એ મોહમ્મદને પ્રતિબંધ લગાવવાનો પ્રસ્તાવ રજુ કર્યો હતો. અમેરિકાએ સંયુક્ત રાષ્ટ્રની પ્રતિબંધ સમિતિ 1267 સામે આ પ્રસ્તાવ રજુ કર્યો હતો. જોકે ચીને આ પ્રસ્તાવને બ્લોક કરી દીધો હતો.