Latest China News : ચીનમાં જિનપિંગની ધર્મોના 'ચીનીકરણ'ની હાકલ, ઉઇગર મુસ્લિમો, બૌદ્ધ સમુદાય પર અત્યાચાર!

બેઇજિંગ : ચીનની સરકારે (Chinese Government) હવે તેના દેશમાં પ્રચલિત ધર્મો પર પકડ મજબૂત કરવાની તૈયારી શરૂ કરી દીધી છે. હકીકતમાં, ગયા અઠવાડિયે, રાષ્ટ્રપતિ શી જિનપિંગે (Chinese President Xi Jinping) તમામ ધર્મોના 'ચીનીકરણ' (Sinicisation) પર ભાર મૂક્યો હતો.

તેમણે કહ્યું છે કે, ધાર્મિક લોકો સામ્યવાદી પક્ષ સાથે સંકળાયેલા હોવા જોઈએ અને સમાજવાદી મૂલ્યો શીખવવા જોઈએ. શી જિનપિંગે સ્પષ્ટપણે જણાવ્યું છે કે, ચીનમાં ધર્મો તેમના દેશની સંસ્કૃતિ અનુસાર હોવા જોઈએ. એવું માનવામાં આવે છે કે, તે ફરી એકવાર ઉઇગર મુસ્લિમોને નિશાન બનાવી શકે છે.

શી જિનપિંગે ગયા અઠવાડિયે બે દિવસીય રાષ્ટ્રીય પરિષદ દરમિયાન ધર્મ સાથે સંબંધિત બાબતો પર આ વાત કરી હતી. આવી જ એક પરિષદ અગાઉ 2016માં થઈ હતી. આ પરિષદ દ્વારા આગામી પાંચ વર્ષ માટે દેશની સરકારના ધર્મ અંગેની નીતિઓ નક્કી કરવામાં આવે છે.

આ પણ વાંચો: 69 વર્ષના વ્લાદિમીર પુતિન આજે પણ લાગે છે ફિટ, જાણો તેમના શોખ વિશે

આ સમુદાયો હશે મુખ્ય નિશાન

શી જિનપિંગના ભાષણ બાદ ફરી એકવાર સરકારના મુખ્ય લક્ષ્ય પર ઉઇગર મુસ્લિમ હશે. ઉઇગર સમુદાય ઉપરાંત તિબેટના બૌદ્ધ સમુદાય પર અત્યાચારનો બીજો રાઉન્ડ ચાલી શકે છે. બંને સમુદાયોને તેમની પરંપરાગત ધાર્મિક પ્રથાઓ સિવાય ચીનના દ્રષ્ટિકોણથી ધર્મને અનુકૂળ કરવાની ફરજ પડી શકે છે. આ ઉપરાંત શી જિનપિંગ સરકાર પણ આ વખતે ખ્રિસ્તી ધર્મને નિશાન બનાવી રહી છે. કહેવામાં આવે છે કે ખ્રિસ્તી ધર્મ આ સમયે ચીનમાં સૌથી ઝડપથી વિકસતો છે. જિનપિંગ સરકાર હવે આ નિયંત્રણ લાદી શકે છે.

આ પણ વાંચો: Bopal Drugs Caseમાં મોટો ખુલાસો: નીલ પટેલ દર અઠવાડિયે લાખોનું ડ્રગ્સ ખરીદતો હતો

'માતૃભૂમિનું મહત્વ વધે'
જિનપિંગે કહ્યું- માતૃભૂમિનું મહત્વ વધારવાના પ્રયાસો કરવા જોઈએ. એટલે કે ધાર્મિક જૂથોમાં ચીનના રાષ્ટ્રો,ચીની સંસ્કૃતિ, સામ્યવાદી પક્ષ અને સમાજવાદને વધુ અપનાવવાના પ્રયાસો કરવા જોઈએ. ધાર્મિક પ્રવૃત્તિઓ કાનૂની માળખામાં હોવી જોઈએ. ધાર્મિક પ્રવૃત્તિઓ સામાન્ય નાગરિકના સ્વાસ્થ્યને અસર ન કરે.

આ પણ વાંચો: Aaj nu Rashifal, 07 December 2021: આ રાશિના જાતકોની આવકમાં વધારો થવાની સંભાવના, જાણો આપનું રાશિફળ

ચીને પાંચ ધર્મોને આપી છે માન્યતા

ચીને સત્તાવાર રીતે પાંચ ધર્મોને માન્યતા આપી છે. તેમાં બૌદ્ધ, કેથોલિક, પ્રોટેસ્ટન્ટ, તાઓ અને ઇસ્લામનો સમાવેશ થાય છે. દેશનું બંધારણ ધાર્મિક સ્વતંત્રતા જાળવવાનું વચન આપે છે. પરંતુ હકીકતમાં ચીનમાં ધાર્મિક સ્વતંત્રતા સરકારના ઇશારે જબરદસ્ત રીતે નિયંત્રિત કરવામાં આવે છે. ઉઇગર સમુદાય ખાસ કરીને વર્ષોથી ચીનની સરકારનું લક્ષ્ય રહ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: China Communist Party, China culture, World news, Xi Jinping, ચીન, ભારત