Home /News /valsad /વલસાડમાં ભારે વરસાદને લીધે પાણી જ પાણી, નદી પરનો કોઝવે પાણીમાં ગરકાવ

વલસાડમાં ભારે વરસાદને લીધે પાણી જ પાણી, નદી પરનો કોઝવે પાણીમાં ગરકાવ

કોલક નદી પરનો કોઝવે પાણીમાં ગરકાવ થયો છે

Valsad heavy rain: કોલક નદી પરનો કોઝવે પાણીમાં ગરકાવ થયો છે. જેથી લોકોને ભારે હાલાકીનો સામનો કરવો પડી રહ્યો છે.

    વલસાડ: વલસાડ જિલ્લામાં છેલ્લા ચાર દિવસથી સતત મેઘમેહર યથાવત છે. વરસાદને કારણે નીચાણવાળા વિસ્તારોમાં પાણી ભરાયા છે. જ્યારે વરસાદને કારણે તમામ નદીઓ બે કાંઠે વહેતી થઇ છે. કોલક નદી પરનો કોઝવે પાણીમાં ગરકાવ થયો છે. જેથી લોકોને ભારે હાલાકીનો સામનો કરવો પડી રહ્યો છે.

    વલસાડમાં સતત પડી રહેલા વરસાદે તારાજી સર્જી છે. વરસાદને લીધે અહીંની નદીઓ ઉફાન પર છે અને બન્ને કાંઠે વહેતી થઇ છે. કપરાડામાં આવેલી કોલક નદીનું પાણી પણ કોઝવે પરથી પસાર થઇ રહ્યું છે. જેના કારણે ગામના લોકોને ભારે હાલાકી ભોગવવી પડી રહી છે. જેના કારણે ગામના લોકોને જીવના જોખમે કોઝવે પરથી પસાર થવું પડે છે.


    આ પણ વાંચો: અમદાવાદમાં નવરાત્રી વાઇબ્રન્ટ મહોત્સવની તડામાર તૈયારીઓ

    જોકે, દરવર્ષે ભારે વરસાદને લીધે કપરાડાના નદી નાળા છલકાતા હોય છે અને કોઝવે પરથી તેના પાણી પસાર થતાં જોવા મળે છે. જેના પગલે સ્થાનિક લોકો કોઝવેની ઊંચાઇ વધારવા માગ કરી રહ્યા છે. લોકો દરવર્ષે આવી હાલાકી ભોગવી રહ્યા છે. જીવના જોખમે ધસમસતા પ્રવાહમાંથી પસાર થવું પડે છે, ત્યારે લોકો દ્વારા તેનું નિરાકરણ લાવવા માગ કરાઇ રહી છે.

    નોંધનીય છે કે, વલસાડમાં ભારે વરસાદના કારણે અનેક વિસ્તારો પાણીમાં ગરકાવ થયાં છે. ગઇકાલે નનકવાડા વિસ્તારમાં કાર પાણીમાં ખાબકી હતી. મહિલા પાણીમાંથી કાર પસાર કરવા જતાં ઘટના બની હતી. ભારે વરસાદને લીધે રસ્તા પર પાણી ભરાયા હતા છતાં એક મહિલા કાર લઇને પસાર થઇ રહી હતી. આવામાં કાર રસ્તા પરથી ઉતરી ગઇ હતી અને રસ્તાની બાજુમાં આવેલી ખાઇમાં ખાબકી હતી. જોકે, ઘટનાને પગલે આસપાસના લોકો દોડી આવ્યા હતા અને મહિલાને કારમાંથી બહાર કાઢવામાં આવી હતી.
    Published by:Azhar Patangwala
    First published:

    Tags: Gujarat rain, Heavy rain, Valsad

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन