Home /News /valsad /વલસાડ: વરસાદી માહોલ વચ્ચે ત્રણ ફ્લેટની ગેલેરી તૂટી પડી, લોકોના જીવ તાળવે ચોંટ્યા

વલસાડ: વરસાદી માહોલ વચ્ચે ત્રણ ફ્લેટની ગેલેરી તૂટી પડી, લોકોના જીવ તાળવે ચોંટ્યા

એક એપાર્ટમેન્ટના ત્રણ ફ્લેટની ગેલેરી અચાનક જ તૂટી પડી

Valsad News: એક એપાર્ટમેન્ટના ત્રણ ફ્લેટની ગેલેરી અચાનક જ તૂટી પડી, ગેલેરી ધડાકા ભેર તૂટી પડતા આસપાસના વિસ્તારમાં દોડધામ મચી ગઈ હતી.

    ભરતસિંહ વાઢેર, વલસાડ: વલસાડ શહેરમાં વરસાદી માહોલ વચ્ચે તિથલ રોડ પર આવેલા એક એપાર્ટમેન્ટના ત્રણ ફ્લેટની ગેલેરી અચાનક જ તૂટી પડી હતી. ગેલેરી ધડાકા ભેર તૂટી પડતા આસપાસના વિસ્તારમાં દોડધામ મચી ગઈ હતી. ઘટનાને પગલે એપાર્ટમેન્ટમાં રહેતા લોકોના જીવ તાળવે ચોંટ્યા હતા. જોકે, સદનસીબે આ ઘટનામાં કોઈને ઈજા કે જાનહાની નહીં થતા લોકોએ હાશકારો અનુભવ્યો હતો.

    સમગ્ર ઘટનાની વાત કરીએ તો, છેલ્લા ચાર દિવસથી વલસાડ જિલ્લામાં વરસાદી માહોલ જામ્યો છે. વરસાદની હેલી વચ્ચે શહેરમાં સતત વરસાદ વરસી રહ્યો  છે. આવા સમયે વલસાડના તિથલ રોડ પર આવેલા વૃંદાવન એપાર્ટમેન્ટના ત્રણ ફ્લેટની ગેલેરી અચાનક જ તૂટી પડી હતી. મહત્વપૂર્ણ છે કે, આ બિલ્ડિંગ અગાઉથી જર્જરીત છે. આથી મોટાભાગના રહીશો બિલ્ડીંગ ખાલી કરીને અન્ય જગ્યાએ રહેવા જતા રહ્યા છે.

    આ પણ વાંચો: વલસાડ: મહિલા પાણીમાંથી કાર પસાર કરવા જતાં ખાડામાં ખાબકી

    જોકે, હજુ આ જર્જરીત બિલ્ડીંગના નીચે 8 જેટલી દુકાનો આવેલી છે. બિલ્ડીંગ ભયજનક  હોવા છતાં પણ હજુ કેટલાક પરિવારો આ બિલ્ડીંગમાં રહે છે. ત્યારે છેલ્લા ચાર દિવસથી વલસાડ શહેરમાં વરસેલા ભારે વરસાદને કારણે આ વરસાદી માહોલમાં આ એપાર્ટમેન્ટના ત્રણ ફ્લેટની ગેલેરી અચાનક જ તૂટી પડી હતી. જોકે સદનસીબે આ ઘટનામાં કોઈને ઈજા કે જાનહાની થઈ ન હતી પરંતુ બિલ્ડીંગના નીચે આવેલી આઠ દુકાનોના માલિકોના જીવ હવે તાળવે ચોંટ્યા છે.
    Published by:Azhar Patangwala
    First published:

    Tags: Gujarat News, Heavy rain, Valsad news

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन