Valsad News: વલસાડની સોળશુંબા ગ્રામ પંચાયતના બે અધિકારીઓની ધરપકડ, ACBએ રંગેહાથ લાંચ લેતા ઝડપી પાડ્યા

Home /News /valsad /Valsad News: વલસાડની સોળશુંબા ગ્રામ પંચાયતના બે અધિકારીઓની ધરપકડ, ACBએ રંગેહાથ લાંચ લેતા ઝડપી પાડ્યા

રંગેહાથ ઝડપાયેલા બે અધિકારીઓની તસવીર

Valsad News: સુરત એસીબીની ટીમે વલસાડની સોળશુંબા ગ્રામ પંચાયતના બે અધિકારીઓને રંગેહાથ લાંચ લેતા ઝડપી પાડ્યા છે. ત્યારે હાલ તેમની સામે ફરિયાદ દાખલ કરીને કાર્યવાહી હાથ ધરી છે.

News18 Gujarati
Last Updated : October 12, 2022, 22:21 IST
, India

વલસાડઃ જિલ્લાના ઉમરગામ તાલુકાની સોળશુંબા ગ્રામ પંચાયતના ઉપસરપંચ અને ગ્રામ પંચાયતના હંગામી ક્લાર્ક લાંચ લેતા રંગેહાથ ઝડપાયા છે. એન્ટિ કરપ્શન બ્યુરોની ટીમે તેમને રંગેહાથ લાંચ લેતા ઝડપા પાડ્યા છે. ઉલ્લેખનીય છે કે, જિલ્લાની સૌથી મોટી ગ્રામ પંચાયતોમાંથી એક સોળશુંબા ગ્રામ પંચાયત છે.

રજાચિઠ્ઠી માટે લાંચ માગી હતી

મળતી માહિતી પ્રમાણે, વલસાડની સોળશુંબા ગ્રામ પંચાયતના ઉપસરપંચ અમિત પટેલ અને હંગામી ક્લાર્ક કૃશાંગ ચંદારાણાએ ફરિયાદી પાસેથી જમીન પર બાંધકામની મંજૂરી માટેની ચિઠ્ઠી આપવા માટે મોટી રકમની લાંચ માગી હતી. મહત્ત્વનું છે કે, ફરિયાદીને બાંધકામ માટે રજાચિઠ્ઠી અને ઠરાવની જરૂર હતી.

આ પણ વાંચોઃ રાજ્યમાં લાંચિયા અધિકારીઓ ઉપર ACB ત્રાટકી

રકઝકને અંતે 12 લાખ આપવાનું નક્કી થયું

ત્યારે ગ્રામ પંચાયતના ઉપસરપંચ અમિત પટેલે ફરિયાદી પાસેથી શરૂઆતમાં 15 લાખની રકમ માગી હતી. ત્યારબાદ રકઝક કરીને 12 લાખ આપવાનું નક્કી કર્યુ હતુ. તેના પ્રથમ હપ્તા તરીકે 3 લાખ રૂપિયા આપવા માટે જવાનું હતું. ત્યારે જ ફરિયાદીએ સુરત એસીબીને આ વાતની જાણ કરી દીધી હતી. તો ફરિયાદીના કહ્યા પ્રમાણે સુરત એસીબીની ટીમે છટકું ગોઠવ્યું હતું.

આ પણ વાંચોઃ એડિશનલ ઇન્કમટેક્સ કમિશનરે માંગી 30 લાખની લાંચ

એસીબીએ છટકું ગોઠવી ઝડપી પાડ્યાં

ત્યારે 3 લાખનો પહેલો હપ્તો લેતી વેળા સુરત એસીબીની ટીમે ગ્રામ પંચાયતના ઉપસરપંચને ત્રણ લાખ લેતા રંગેહાથ ઝડપી પાડ્યા હતા. હાલ સુરત એસીબીએ બંને આરોપીની ધરપકડ કરી તેમના વિરુદ્ધ કાર્યવાહી હાથ ધરી છે.

તમારા શહેરમાંથી (વલસાડ)

વલસાડ

Published by:Vivek Chudasma

First published: October 12, 2022, 22:21 IST

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ACB Gujarat, Valsad news, Valsad police

તમારો જિલ્લો પસંદ કરો