દમણમાં અજાણ્યા વ્યક્તિની હત્યા થઈ હોવાની આશંકા, મૃતકના મોઢાના ભાગે ઈજાના નિશાન મળી આવ્યા

ભરતસિંહ વાઢેર, દમણ: સંઘપ્રદેશ દમણના કચીગામની એક વાડીમાંથી એક અજાણ્યા વ્યક્તિનો મૃતદેહ મળી આવ્યો હતો. મૃતકના મોઢા પર ગંભીર ઈજાના નિશાન પણ મળી આવ્યા હતા. આથી મૃતકની હત્યા કરવામાં આવી હોવાનું માનવામાં આવી રહ્યું હતું. બનાવની જાણ થતા જ આસપાસના વિસ્તારના લોકો એકઠા થઈ ગયા હતા. આ સાથે સાથે પોલીસને જાણ કરતા દમણ પોલીસનો કાફલો પણ સ્થળ પર પહોંચ્યો હતો.

પોલીસે આ મામલે ઊંડાણપૂર્વક તપાસ હાથ ધરી

પોલીસે ઘટના સ્થળે પહોચીને બનાવા અંગે ઊંડાણપૂર્વક તપાસ હાથ ધરી હતી. બનાવની વિગત મુજબ દમણના કચી ગામ વિસ્તારમાં એક વાડી નજીક ગટરમાં એક અજાણ્યા વ્યક્તિનો મૃતદેહ પડ્યો હોવાનું સ્થાનિક લોકોને ધ્યાને આવતા તાત્કાલિક પોલીસને જાણ કરી હતી. આથી દમણ પોલીસના ઉચ્ચ અધિકારીઓનો કાફલો સ્થળ પર પહોંચ્યો હતો. અને બનાવ અંગે તપાસ હાથ ધરી હતી. પ્રાથમિક રીતે જોતા મૃતકના મોઢા અને શરીરના અન્ય ભાગોએ ગંભીજાના નિશાન પણ જોવા મળ્યા હતા.

આ પણ વાંચો: તમે બજાર કિંમત કરતાં અડધા ભાવે મળનારી ગાડી લેવાનું વિચારી રહ્યા છો તો પછી...

બનાવના મૂળ સુધી પહોચવા તપાસ

ઉલ્લેખનીય છે કે, મોઢા પરના ઘા જોવા મળતા બોથળ પદાર્થ વડે  મોઢાના ભાગે ઘા કરી અને મૃતકની હત્યા નિપજાવવા માં આવી હોય તેવું અનુમાન લગાવવામાં આવ્યું હતું. પોલીસે મૃતકના મોતનું સાચું કારણ જાણવા અને હત્યારાઓને શોધવા તપાસ હાથ ધરી હતી. અત્યારે પોલીસે એફએસએલ અને ડોગ સ્કવોડની મદદથી બનાવના મૂળ સુધી પહોંચવા ઊંડાણપૂર્વક તપાસ હાથ ધરી હતી.

આ પણ વાંચો: બનાસકાંઠાના થરામાં યોજાયા ભરવાડ સમાજના સમૂહ લગ્ન, 3001 નવદંપતીઓએ પ્રભુતામાં પગલાં પાડ્યા

આ મામલે પોલીસે કાર્યવાહી હાથ ધરી

આમ, સંઘ પ્રદેશ દમણના કચી ગામ વિસ્તારમાં બનેલી ઘટનાને કારણે આસપાસના વિસ્તારમાં ચકચાર મચી ગઈ હતી. પોલીસે અત્યારે મૃતકની ઓળખ સહિતની તપાસ  હાથ ધરી છે. ઉલ્લેખનીય છે કે, પોલીસ દ્વારા આ મામલે ઊંડાણપૂર્વક તપાસ કરવામાં આવી રહી છે. આ મામલે હત્યા થઈ છે કે, પછી કોઈ અન્ય રીતે તેનું મોત થયું છે તે દિશમાં પોલીસે તપાસ હાથ ધરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Daman news, Murder case, ગુજરાત