Home /News /valsad /વલસાડ: આ ગામના લોકોએ કર્યો ચૂંટણીનો બહિષ્કાર, નેતાઓને પ્રચાર માટે આવવાની મનાઇ

વલસાડ: આ ગામના લોકોએ કર્યો ચૂંટણીનો બહિષ્કાર, નેતાઓને પ્રચાર માટે આવવાની મનાઇ

વલસાડ જિલ્લાના તુંબ ગામના લોકોએ ચૂંટણીનો બહિષ્કાર કર્યો છે.

Gujarat Election 2022: વલસાડ જિલ્લાના તુંબ ગામના લોકોનો ચૂંટણી બહિષ્કાર, રાજકીય પાર્ટીના અગ્રણીઓ પણ દોડતા થયા, નેતાઓને પ્રચાર માટે આવવાની મનાઇ

    વલસાડ: વલસાડ જિલ્લાના તુંબ ગામના લોકોએ ચૂંટણીનો બહિષ્કાર કર્યો છે. '50થી વધુ પરિવારે રોડ નહીં તો વોટ નહીં'ના સૂત્રો સાથે ચૂંટણી બહિષ્કારની ચિમકી ઉચ્ચારી છે. વર્ષોથી અહીના લોકો રોડ, રસ્તા માટે માગ કરી રહ્યા છે. આ ફળિયામાં રોડ નહીં બનતા લોકો મુશ્કેલી અનુભવી રહ્યા છે. અનેકવાર રોડ માટે ઉચ્ચ કક્ષાએ રજૂઆત કરવા છતાં કોઈ પગલા ન ભરાતા લોકો 'રોડ નહીં તો વોટ નહીં'ના સૂત્રોના બેનરો સાથે વિરોધ કરી રહ્યા છે. સ્થાનિકો દ્વારા કોઈ પણ રાજકીય પાર્ટીના અગ્રણીઓ અને કાર્યકર્તાઓને ચૂંટણી પ્રચાર માટે આવવાની મનાઈ ફરમાવી છે.

    વર્ષોથી માગ ન સંતોષાતા બિષ્કાર

    વલસાડ જિલ્લાના ઉમરગામ તાલુકાના તુંબ ગામના એક ફળિયાના લોકોએ ચૂંટણીનો બહિષ્કાર કર્યો છે. ફળિયામાં વર્ષોથી રોડની માંગ સાથે 50થી વધુ પરિવારોએ આ વખતે 'રોડ નહીં તો વોટ નહીં'ના સૂત્ર સાથે ચૂંટણીનો બહિષ્કાર કર્યો છે. જેને કારણે તંત્ર સાથે રાજકીય પાર્ટીના અગ્રણીઓ પણ દોડતા થઈ ગયા છે. મહત્વપૂર્ણ છે કે, તુંબ ગામના આહિર ફળિયામાં 50થી વધુ પરિવારો રહે છે. ત્યારે વર્ષોથી આ ફળિયા સુધી પહોંચવામાં રસ્તાની અસુવિધા છે. આ ફળિયામાં રોડ નહીં બનતા લોકો મુશ્કેલી અનુભવી રહ્યા છે.

    આ પણ વાંચો: ભાજપના ઉમેદવારનો વીડિયો વાયરલ, લોકો પાસે ફોર્મ ભરવા માંગ્યા પૈસા

    ભારે મુશ્કેલીનો સામનો કરી રહ્યા છે લોકો

    વર્ષોથી આ ફળિયામાં રસ્તો નહીં બનતા ચોમાસામાં લોકોએ મુસીબતનો સામનો કરવો પડે છે. રોડના અભાવે લોકોએ જીવને જોખમમાં મૂકી રેલવે ટ્રેક પણ ક્રોસ કરવી પડે છે. લોકોએ આ અગાઉ અનેક વખત રાજકીય પાર્ટીઓના અગ્રણીઓ અને સંબંધિત વિભાગને રોડ માટે રજૂઆત કરી હતી. પરંતુ તેમ છતાં હજુ સુધી લોકોની માંગ નહીં સંતોષવામાં આવતા ફળિયા સુધી પહોંચવાનો રોડ બનાવવામાં આવ્યો નથી. આથી ચૂંટણીના સમયે લોકોએ મોકો પારખી અને આ વખતે ચૂંટણી બહિષ્કારનો નિર્ણય કર્યો છે.

    નિર્ણય પર અડગ રહેવાનો નિર્ધાર

    ફળિયામાં ઠેર-ઠેર 'રોડ નહીં તો વોટ નહીં'ના સૂત્ર સાથે બેનરો લગાવવામાં આવ્યા છે. ફળિયામાં કોઈ પણ રાજકીય પાર્ટીના અગ્રણીઓ કે કાર્યકર્તાઓને ચુંટણી પ્રચાર માટે આવવાની મનાઈ કરવામાં આવી છે. આમ આહીર ફળિયામાં 'રોડ નહીં તો વોટ નહીં'ના સૂત્ર સાથે લોકોએ ચૂંટણી બહિષ્કાર કરતા તંત્રમાં પણ દોડધામ મચી ગઈ હતી. જોકે, લોકો પોતાની માંગ ન સંતોષાય ત્યાં સુધી રોડ નહીં તો વોટ નહીંના સૂત્ર સાથે પોતાના નિર્ણય પર અડગ રહેવાનો નિર્ધાર વ્યક્ત કરી રહ્યા છે.
    Published by:Azhar Patangwala
    First published:

    Tags: Gujarat Assembly Elections 2022, Valsad news

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन