Home /News /valsad /Valsad News: વલસાડમાં ACBની કાર્યવાહી, ચીભડ-કચ્છ ગામનો સરપંચ લાંચ લેતા રંગેહાથ ઝડપાયો

Valsad News: વલસાડમાં ACBની કાર્યવાહી, ચીભડ-કચ્છ ગામનો સરપંચ લાંચ લેતા રંગેહાથ ઝડપાયો

આરોપી સરપંચની તસવીર

Valsad News: વલસાડ જિલ્લા ACBએ સપાટો બોલાવી ચીભડ કચ્છ ગામના સરપંચને લાંચના છટકામાં ઝડપી પાડ્યો છે. સરપંચ કલ્પેશ પટેલ ફરિયાદી પાસેથી રૂપિયા 10,000ની લાંચ લેતા ACBના હાથે રંગેહાથ ઝડપાઈ ગયો હતો.

    ભરતસિંહ વાઢેર, વલસાડઃ જિલ્લા ACBએ સપાટો બોલાવી ચીભડ કચ્છ ગામના સરપંચને લાંચના છટકામાં ઝડપી પાડ્યો છે. સરપંચ કલ્પેશ પટેલ ફરિયાદી પાસેથી રૂપિયા 10,000ની લાંચ લેતા ACBના હાથે રંગેહાથ ઝડપાઈ ગયો હતો. આથી વલસાડ ACBએ આરોપી સરપંચની અટકાયત કરી તેના વિરુદ્ધ  કાયદેસરની કાર્યવાહી હાથ ધરી છે.

    કેમ માંગી હતી લાંચ?


    મળતી માહિતી પ્રમાણે, વલસાડ ACBને મળેલી ફરિયાદને આધારે ACBએ આજે વાપી તાલુકાના ચીભડ કચ્છ ગામમાં લાંચના છટકાનું આયોજન કર્યું હતું. જેમાં ચીભડ કચ્છ ગ્રામ પંચાયતના સરપંચ કલ્પેશ પટેલને ફરિયાદી પાસેથી રૂપિયા 10,000ની લાંચ લેતા રંગેહાથ ઝડપી પાડયો છે. ફરિયાદી સિમેન્ટ કોંક્રિટ અને કપચીનો વ્યવસાય કરે છે. આથી તેમના આ બાંધકામ મટીરીયલ ભરેલા વાહનોની ચીભડ કચ્છ ગામના હદમાંથી પસાર થતા રોડ પરથી પસાર થતા હતા. આથી ગામના સરપંચ કલ્પેશ પટેલે ફરિયાદી પાસેથી તેમના વાહનો ગ્રામ પંચાયતની હદના રોડ પરથી પસાર થવાના થવા દેવાની પરવાનગીના બદલે રૂપિયા 15,000ની માંગ કરી હતી.

    આ પણ વાંચોઃ રાજ્યના યુવાનો માટે સરકારી નોકરીના સારા સમાચાર

    અન્ય સરપંચોમાં ફફડાટ


    ત્યારબાદ રૂપિયા 10,000માં નક્કી થયું હતું. જો કે, ફરિયાદી લાંચ આપવા માંગતા ન હોવાથી તેમણે ACBનો સંપર્ક કર્યો હતો. આથી ACBએ આ લાંચિયા સરપંચ કલ્પેશ પટેલને ફરિયાદી પાસેથી રૂપિયા 10,000ની લાંચ લેતા રંગેહાથ ઝડપી પાડ્યો હતો અને તેના વિરુદ્ધ કાયદેસરની કાર્યવાહી હાથ ધરી હતી. આમ લાંચિયો સરપંચ લાંચ લેતા રંગે હાથ ઝડપાઈ જતા જિલ્લાના અન્ય સરપંચોમાં પણ ફફડાટ વ્યાપી ગયો હતો.
    Published by:Vivek Chudasma
    First published:

    Tags: Bribe case, Bribe news, Valsad Crime, Valsad news, Valsad police, લાંચ, લાંચ કેસ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन