Home /News /valsad /Vapi Fire: વાપીની કેમિકલ કંપનીમાં ભેદી કારણોસર લાગી ભીષણ આગ, કરોડો રૂપિયાનું નુકસાન!

Vapi Fire: વાપીની કેમિકલ કંપનીમાં ભેદી કારણોસર લાગી ભીષણ આગ, કરોડો રૂપિયાનું નુકસાન!

કેમિકલ કંપનીમાં આગ

fire broke out at Supreet Chemical Company Vapi : સુપ્રીત કેમિકલ કંપનીમાં એક ભાગમાં લાગેલી આગે થોડી જ વારમાં  મોટું સ્વરૂપ ધારણ કરી લીધું હતું . અને થોડી જ વારમાં આખી કંપની આગની જ્વાળાઓમાં લપેટાઈ ગઈ હતી. ઘટનાની જાણ થતાં જ  વાપી ટાઉન અને જીઆઇડીસી ના ફાયર બ્રિગેડની ટીમ સ્થળ પર દોડી આવી હતી અને આગ પર કાબુ મેળવવા પ્રયાસ કર્યા હતા.

વધુ જુઓ ...
    ભરતસિંહ વાઢેર, વલસાડ:  વાપી જીઆઈડીસીમાં આવેલી એક કેમિકલ કંપનીમાં ભીષણ આગ લાગતા બ્રિગેડ કોલ જાહેર કરવામાં આવ્યો હતો. આગ ઉપર કંટ્રોલ કરવા માટે ફાયર બ્રિગેડની આઠ ટીમો તાત્કાલિક ધોરણે ઘટના સ્થળે પહોંચી ગઈ હતી. કેમિકલ કંપનીમાં આગ લાગવાના કારણે કરોડો રૂપિયાનું નુકસાન થયું હોવાનું કહેવામાં આવી રહ્યું છે, પરંતુ સારી વાત તે છે કે આ દૂર્ઘટનામાં કોઈ જાનહાનિ થઈ નથી.

    વાપી જીઆઇડીસીના થર્ડ ફેસમાં આવેલી સુપ્રીત કેમિકલ કંપનીમાં અચાનક ભીષણ આગ લાગી હતી. કંપનીમાં કામ ચાલી રહ્યું હતું એ વખતે જ આગ લાગતા કંપનીમાં દોડધામ મચી ગઈ હતી. અને કામદારો બહાર દોડી આવ્યા હતા.

    આગની ચપેટમાં આવી આખી કંપની

    કંપનીના એક ભાગમાં લાગેલી આગે થોડી જ વારમાં  મોટું સ્વરૂપ ધારણ કરી લીધું હતું . અને થોડી જ વારમાં આખી કંપની આગની જ્વાળાઓમાં લપેટાઈ ગઈ હતી. ઘટનાની જાણ થતાં જ  વાપી ટાઉન અને જીઆઇડીસી ના ફાયર બ્રિગેડની ટીમ સ્થળ પર દોડી આવી હતી અને આગ પર કાબુ મેળવવા પ્રયાસ કર્યા હતા.

    જોકે, આગનું સ્વરૂપ જોતા વધુ ફાયર ફાઈટરોના મદદની જરૂર પડી હતી.. આથી વાપી જીઆઇડીસી ટાઉન સહિત આસપાસના વિસ્તારના ફાયર બ્રિગેડ ની ટીમોને  પણ બોલાવવામાં આવી હતી. આમ 8થી વધુ  ટીમ આગ પર કાબુ મેળવવા પ્રયાસ કર્યા હતો.

    અન્ય કંપનીના મજૂરોને પણ ખસેડાયા સલામાત સ્થળે

    મહત્વપૂર્ણ છે કે જે કંપનીમાં આગ લાગી હતીએ કંપનીની આજુબાજુ અન્ય  કંપનીઓ પણ આવેલી હોવાથી આગ વધારે નુકશાન ના કરે તેથી સાવધાનીના ભાગરૂપે બાજુની કંપનીઓના કામદારોને સલામત સ્થળે ખસેડવામાં આવ્યા હતા.

    આ પણ વાંચો: અમદાવાદ: BRTS બસમાં આગ લાગતા અફરાતફરી, મેમનગર પાસેનો બનાવ

    કેમિકલમાં કંપનીમાં આગ લાગી હોવાથી આગ પર કાબુ મેળવવા માટે ફાયર  ફાઈટરોની ટીમોએ ફોમનો મારો ચલાવી આગ પર કાબૂ મેળવવા ભારે જહેમત ઉઠાવવી પડી હતી. જણાવી દઈએ કે કલાકોની મહેનત પછી આગ પર કંટ્રોલ કરવામાં આવ્યો હતો. સદનસીબે હજુ સુધી આ ઘટનામાં કોઈ ઈજા કે જાનહાની ના અહેવાલ નથી, પરંતુ આગ લાગવાનું કારણ અકબંધ છે. બનાવની જાણ થતા જ વાપી જીઆઇડીસી પોલીસની ટીમ પણ સ્થળ પર પહોંચી હતી. અને આગળની કાર્યવાહી હાથ ધરી હતી.
    Published by:mujahid tunvar
    First published:

    Tags: Valsad, Vapi, આગ

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन